চলিত দশকৰ ভিতৰত প্ৰথমবাৰৰ বাবে ৰিজাৰ্ভ বেংকে লাভ কৰিছে মহিলা ডেপুটি-গৱৰ্ণৰ। দেশৰ শীৰ্ষ বেংকটোৰ গৱৰ্ণৰ পদত যোগদান কৰিছে পুনম গুপ্তাই। বৰ্তমান বিশ্বৰ অন্যতম আগশাৰীৰ অৰ্থনীতিবিদ পুনমে কেন্দ্ৰীয় চৰকাৰৰ একাধিক দায়িত্বও চম্ভালিব।
পুনম প্ৰধানমন্ত্ৰী নৰেন্দ্ৰ মোদীৰ অৰ্থনৈতিক পৰামৰ্শদাতা সমিতিৰ সদস্য। একে সময়তে পুনম ষোড়শ বিত্ত আয়োগৰ পৰামৰ্শদাতা পৰিষদৰ সদস্যও আছিল।
কেইবাখনো মহাবিদ্যালয় আৰু বিশ্ববিদ্যালয়ত অৰ্থনীতি বিজ্ঞানৰ অধ্যাপনা কৰি আহিছে। ইয়াৰ ভিতৰত দিল্লী স্কুল অৱ ইকনমিক্স আৰু ইউনিভাৰ্চিটি অৱ মেৰিলেণ্ডৰ দৰে প্ৰতিষ্ঠান উল্লেখ্যযোগ্য।
পুনম বিশ্ব বেংকৰ দুখন পৰামৰ্শদাতা পৰিষদৰ সদস্য আছিল। এটা দৰিদ্ৰতাৰ বিষয়ে আৰু আনটো বিশ্ব উন্নয়ন প্ৰতিবেদনৰ বিষয়ে।
মেৰিলেণ্ড বিশ্ববিদ্যালয়ৰ পৰা ডক্টৰেট ডিগ্ৰী লাভ কৰে। মুঠ তিনিখন শিক্ষানুষ্ঠানৰ পৰা অৰ্থনীতিত স্নাতকোত্তৰ ডিগ্ৰী লাভ কৰিছে পুনমে।
যি সময়ত ৰিজাৰ্ভ বেংকে তীব্ৰ প্ৰত্যাহ্বানৰ সন্মুখীন হৈছে সেই সময়ত পুনমক ৰিজাৰ্ভ বেংকৰ ডেপুটি গৱৰ্ণৰ হিচাপে নিযুক্তি দিয়া হৈছে।
