স্থায়ী বন্দোবস্তিৰ বাবে চক্ৰ বিষয়াক ৫ নং আৰু ৬ নং ৰায়তী প্ৰপত্ৰ প্ৰদান বৰদুৱাৰ বাগানৰ বাসিন্দাৰ
আজি ১৯/০৫/২০২৫ ইংৰাজী তাৰিখত বৰদুৱাৰ বাগান ৰাজহ গাঁৱৰ এক নং, দুই নং আৰু তিনি নং ৰাজহ গাঁৱৰ ৰায়তী আইন ১৯৭১ চনৰ আইনৰ আওতাত ‘পাঁচ নং আৰু ছয় নং ৰায়তী প্ৰপত্ৰ প্ৰদান কাৰ্যসূচী’ সুকলমে সম্পন্ন হয়। পলাশবাৰীৰ ৰাজহচক্ৰৰ চক্ৰবিষয়াক প্ৰপত্ৰ প্ৰদান কাৰ্যসূচী ৰূপায়ন কৰাৰ কালত বৰদুৱাৰ ভূমি পট্টন দাবী সমিতিৰ উদ্যোগত অংশগ্ৰহণ কৰা সমূহ ৰায়তী অংশীদাৰ সকলৰ আগত কেইটামান ভাষ্য প্ৰকাশ কৰে।
১. বৰদুৱাৰ বাগান ৰাজহ গাঁৱৰ সমূহ ভূমিৰ সম্পৰ্কত জৰীপ কৰিবলৈ মুখ্যমন্ত্ৰীয়ে নিৰ্দেশ দিছে আৰু তাৰ আধাৰতেই চক্ৰ বিষয়াই সমগ্ৰ ভূমিৰ পুনৰ জৰীপ কৰি আছে।
২. জিএমডিএ নিজেই আহি বৰদুৱাৰ বাগান ৰাজহ গাঁৱৰ ভূমিৰ বিভিন্ন তথ্য বিচাৰি আছে।
৩. তেখেতে কোৱা মতে, বৰদুৱাৰ টি এণ্ড টাইম্বাৰ কোপাৰেটিভ লিমিটেড খন হেনো এতিয়াও (লীজ – বিগত ১৯২২ ৰ পৰা ২০২২ চনলৈ ৯৯ বছৰ) হেনো মালিকপক্ষই চলাই আছে। শীঘ্ৰেই সকলো বাগানৰ ভূমি অসম চৰকাৰে ক্ৰয় কৰি ল’ব।
শেষত দাবী সমিতিয়ে সমূহ অংশগ্ৰহণকাৰীক জ্ঞাত কৰে যে আজিৰ ৰায়তীৰ প্ৰপত্ৰ সমূহ কামৰূপ জিলাৰ আয়ুক্তলৈ প্ৰেৰণ কৰিব, লগতে সংশ্লীষ্ট গাঁওসমূহ পৰিদৰ্শন কৰিব।