কৃত্ৰিম বুদ্ধিমত্তা প্ৰযুক্তি ব্যৱহাৰ কৰি তৈয়াৰ কৰা জোজি (Xoxe) নামৰ এটা ৰবটে প্ৰযুক্তি জগতত ব্যাপক চাঞ্চল্যৰ সৃষ্টি কৰিছে। ৰবটটোৱে মানুহৰ নিৰ্দেশনা বুজিব পাৰে আৰু সেই অনুসৰি কাম কৰিব পাৰে।
প্লাষ্টিক শল্য চিকিৎসক ডাঃ ছেম খোজে আৰু কাৰিকৰী উপদেষ্টা অধ্যাপক হিৰোচি ইছিগুৰোৱে ৰবটটো তৈয়াৰ কৰিছিল। ৰবটটোৱে ১২০ টা ভাষা ক’ব পাৰে। জোজিয়ে মানুহৰ আৱেগ বুজিব পাৰে আৰু আলোচনাতো অংশগ্ৰহণ কৰিব পাৰে।
জোজিক পৃথিৱীৰ আটাইতকৈ বুদ্ধিমান আৰু অতিবাস্তৱিক ৰবট বুলি কোৱা হৈছে। জোজৰ এডভান্সড ফেচ একচুৱেটৰ্ছৰ আছে। ফলস্বৰূপে, ৰবটটোৱে যিকোনো বিষয়ৰ কথোপকথনত অংশগ্ৰহণ কৰিব পাৰে, বয়স চিনাক্ত কৰিব পাৰে, শাৰীৰিক ভাষা বুজিব পাৰে, আৰু উদ্বিগ্ন হ’লে যিকোনো লোকক চিনাক্ত কৰিব পাৰে।
তদুপৰি, এ.আই.-ৰ এই ৰবটটোৰ সামাজিক যোগাযোগ দক্ষতাৰ উপৰিও ইয়াৰ দীৰ্ঘম্যাদী স্মৃতি শক্তি আৰু গোন্ধ চিনাক্ত কৰাৰ ক্ষমতাও আছে। আনকি জোজিৰ ডিজাইনটো মানৱ শৰীৰৰ দৰে। ৰবটটোৱে যোগাযোগৰ সময়ত হাতো লৰচৰ কৰিব পাৰে।
ড০ খোজে কয় যে ছ’চিয়েল মিডিয়াত দুজন লোকৰ মাজত হোৱা কথোপকথনৰ ওপৰত ভিত্তি কৰি জোজিক প্ৰশিক্ষণ দিয়া হৈছে। ৰবটটোৰ কেমেৰাত ফেচিয়েল ৰিক’গনিশ্বন প্ৰযুক্তি ব্যৱহাৰ কৰা হৈছে। জোজি য’ত থাকিব তাত যদি কোনোবাই কোনো অপৰাধ কৰে তাকো ই চিনাক্ত কৰিব পাৰিব।
