অসম প্ৰদেশ কংগ্ৰেছৰ সভাপতি ভূপেন বৰাৰ দাবী “এতিয়া অসমত দুজন চিফ আছে। এজন হৈছে মুখ্যমন্ত্ৰী হিমন্ত বিশ্ব শৰ্মা, অন্যজন হৈছে কামাণ্ডাৰ ইন চিফ পৰেশ বৰুৱা”।
১৯৮৯ চনতো অসম গণ পৰিষদৰ চৰকাৰৰ শাসন কালত একেই পৰিৱেশ হৈছিল বুলি দাবী কৰি ভূপেন বৰাই সংবাদ মাধ্যমৰ আগত কয় “তেতিয়াও প্ৰফুল্ল মহন্ত আছিল চিফ মিনিষ্টাৰ আৰু কামাণ্ডাৰ ইন চিফ আছিল পৰেশ বৰুৱা”।
ভূপেন বৰাৰ মতে “বৰ্তমান অসমৰ মন্ত্ৰীসকল কনফিউজ মুখ্যমন্ত্ৰী হিমন্ত বিশ্ব শৰ্মা নে পৰেশ বৰুৱা অধিক শক্তিশালী?”
“মন্ত্ৰী সঞ্জয় কিষাণে নিৰাপত্তা বিচাৰি পৰেশ বৰুৱাক পাৱে পৰি হৰি কৰিবলগীয়া হৈছে। মন্ত্ৰীক মুখ্যমন্ত্ৰী যে অধিক শক্তিশালী সেয়া শ্ব’কজ কৰি বুজাবলগীয়া হৈছে”। ভূপেন বৰাই লগতে কয়।
এইদৰে আলফা আৰু সঞ্জয় কিষান সম্পৰ্কত মন্তব্য অসম প্ৰদেশ কংগ্ৰেছ কমিতিৰ সভাপতি ভুপেন বৰাই সংবাদ মাধ্যমৰ আগত কটাক্ষ কৰে।
