পুনৰ হ্ৰাস পাইছে ভাৰতীয় মুদ্ৰাৰ মূল্য। আজি ১৫ নৱেম্বৰ শুকুৰবাৰে চাৰি পইচা হ্ৰাস পাই সৰ্বকালৰ সৰ্বনিম্ন স্তৰত উপনীত হৈছে টকা। ডলাৰৰ বিপৰীতে মূল্য পাইছেগৈ ৮৪.৪৩ টকা। এই মূল্য হ্ৰাসক লৈ উদ্বিগ্ন বিশেষজ্ঞসকল।
অক্টোবৰ মাহৰ পৰা টকাৰ মূল্য দ্ৰুতগতিত হ্ৰাস পাবলৈ আৰম্ভ কৰিছে। ১১ অক্টোবৰত এক ডলাৰৰ মূল্য আছিল ৮৩.৯৯ ভাৰতীয় টকা। ইয়াৰ পিছত ৩১ অক্টোবৰত পুনৰ টকাৰ মূল্য হ্ৰাস পাই সৰ্বকালৰ নিম্নতম স্তৰত উপনীত হয়। সেইবাৰ আছিল ৮৪.১০ টকা। তেতিয়াৰ পৰাই টকাৰ মূল্য ক্ৰমান্বয়ে কমি আহিছে।
শুকুৰবাৰেও শ্বেয়াৰ বজাৰ মুকলি হোৱাৰ পিছত ডলাৰৰ বিপৰীতে ভাৰতীয় মুদ্ৰাৰ মূল্য আছিল ৮৪.৪০ টকা। পিছত ১ পইচা বৃদ্ধি হৈ ৮৪.৩৯ টকা হয়। ইয়াৰ পিছত তাৰ পৰাই মূল্য হ্ৰাস পাবলৈ ধৰি ৮৪.৪৩ টকাত ৰৈছে।
লগতে পঢ়কঃ পুৰুষ নে মহিলা! কাৰ বেছি বুদ্ধি? চাণক্যই কৈ গৈছে প্ৰকৃত সত্য!
বিশেষজ্ঞসকলে কয় যে ডলাৰৰ বিপৰীতে ভাৰতীয় মুদ্ৰাৰ মূল্য হ্ৰাসৰ কাৰণ হৈছে বিশ্বৰ বজাৰত খাৰুৱা তেলৰ মূল্য বৃদ্ধি আৰু ভাৰতীয় শ্বেয়াৰ বজাৰৰ পৰা বিদেশী পুঁজিৰ বহিঃপ্ৰবাহ। ভাৰতীয় টকাত লাভৰ পৰিসংখ্যা হ্ৰাস পাইছে। বিগত কিছুদিন ধৰি শ্বেয়াৰৰ মূল্যও হ্ৰাস পাইছে। ফলত ডলাৰৰ হিচাপত টকাৰ মূল্য ক্ৰমান্বয়ে হ্ৰাস পাইছে। অহা কেইদিনমানৰ ভিতৰত এই মূল্য আৰু হ্ৰাস পাব পাৰে।
ইয়াৰ আঁৰৰ এটা মূল কাৰণ হ’ল ড’নাল্ড ট্ৰাম্পৰ প্ৰত্যাৱৰ্তন। যোৱা সপ্তাহত ৰিপাব্লিকান নেতাগৰাকীয়ে আমেৰিকাৰ ৰাষ্ট্ৰপতি হিচাপে হাউছ অৱ ৰিপ্ৰেজেণ্টেটিভলৈ উভতি আহিছে। তেতিয়াৰ পৰাই আমেৰিকাৰ শ্বেয়াৰ বজাৰখন পুনৰ উত্থান হ’বলৈ আৰম্ভ কৰিছে। তাৰ বাবেই টকাৰ দাম কমিবলৈ আৰম্ভ কৰিছে। ফলত বিদেশী ঋণ পৰিশোধৰ খৰচ বাঢ়িছে। আন্তঃৰাষ্ট্ৰীয় ব্যৱসায়ীসকলৰ মতে এই পৰিস্থিতিত ভাৰতীয় টকাই সংকীৰ্ণ পৰিসৰত ব্যৱসায় কৰিব পাৰিব।
লগতে পঢ়কঃ মগজুৰ বাহিৰেও শৰীৰৰ আন কি কি অংগত জমা হৈ থাকে আমাৰ স্মৃতি; গৱেষণাত আচৰিত তথ্য
চলিত বৰ্ষৰ এপ্ৰিল মাহত ভাৰতীয় মুদ্ৰাই মাৰ্কিন ডলাৰৰ বিপৰীতে ৮৩.৫৩ টকাৰ অভিলেখ সৃষ্টি কৰিছিল। মধ্যপ্ৰাচ্যত যুদ্ধৰ আশংকা, আমেৰিকাৰ মুদ্ৰা শক্তিশালী হোৱা আৰু বিশ্বৰ বজাৰত খাৰুৱা তেলৰ মূল্যবৃদ্ধিয়ে ভাৰতীয় টকা দুৰ্বল কৰি তুলিছিল। কিন্তু ৭ মাহৰ পাছত সেই সৰ্বনিম্ন মূল্যৰ অভিলেখো অতিক্ৰম হ’ল। ডলাৰ এতিয়া ব্যয়বহুল, প্ৰায় ৮৫ টকাৰ সমান।
