এদিনীয়া ক্ৰিকেটত (৫০ অভাৰ) দ্ৰুততম দ্বিশতৰাণ অৰ্জন কৰাৰ অনন্য অভিলেখ অধিকাৰী হ’ল কেৰালাৰ উইকেট ৰক্ষক বেটছমেন সঞ্জু সেমছন।
গোৱাৰ বিৰুদ্ধে বিজয় হাজাৰে ট্ৰফীৰ এখন খেলত অংশলৈ কেৰেলাৰ মাৰমুখি বেটমেনগৰাকীয়ে মাত্ৰ ১২৫ টা বলতে দ্বিশতৰাণ অৰ্জন কৰি ভাৰতৰ আটাইতকৈ দ্ৰুততম দ্বি শতৰাণ অৰ্জন কৰা খেলুৱৈত পৰিগনিত হয়।
সঞ্জু সেমছনে এই অভিলেখ গঢ়াৰ ক্ষেত্ৰত অতিক্ৰম কৰে ভাৰতীয় এদিনীয়া আৰু টি-২০ দলৰ অপেনিং বেটছমেন শিখৰ ধাৱানক।
শিখৰ ধাৱানে ১৩২ টা বলত দ্বিশতৰাণ অৰ্জন কৰি ইয়াৰ পূৰ্বে এদিনীয়া ক্ৰিকেটত (৫০ অভাৰ) দ্ৰুততম দ্বি শতক অৰ্জন কৰা ভাৰতীয় হিচাপে অভিলেখ গঢ়িছিল।
২৪ বৰ্ষীয় সোহতীয়া বেটছমেন গৰাকীয়ে গোৱাৰ বিৰুদ্ধে খেলখনত মাত্ৰ ১২৯ বলত ২১২ ৰাণ সংগ্ৰহ কৰি অপৰাজিত হৈ ৰয়।
উল্লেখযোগ্য যে, কেৰেলাৰ বেটছেমেন গৰাকীয়ে আই পি এল আৰু ভাৰতীয় এ দলৰ হৈ ইতিমধ্যে দৰ্শনীয় প্ৰদৰ্শন দাঙি ধৰি সকলোৰে দৃষ্টি আকৰ্ষণ কৰিবলৈ সক্ষম হৈছে।
