বৰ্তমান সময় সমগ্ৰ বিশ্বৰ বাবেই এক সংকটৰ সময় : ড০ পিতাম্বৰ দেৱ গোস্বামী

ক’ৰ’না ভাইৰাছৰ বিৰুদ্ধে বিশেষ সতৰ্কতা গ্ৰহণৰ বাবে অসম তথা ভাৰত চৰকাৰে দীৰ্ঘসময়ৰ বাবে ঘোষণা কৰা লকডাউন সফলভাৱে পালন কৰিবৰ বাবে অসমৰ জনগনক আহ্বান জনাইছে শ্ৰী শ্ৰী আউনীআটী সত্ৰৰ সত্ৰাধিকাৰ ড০ পিতাম্বৰ দেৱ গোস্বামীয়ে।

বৰ্তমান সময় সমগ্ৰ বিশ্বৰ বাবেই এক সংকটৰ সময় বুলি উল্লেখ কৰি শ্ৰী শ্ৰী আউনীআটী সত্ৰৰ সত্ৰাধিকাৰ গৰাকীয়ে সমূহ দেশবাসীক সংযমী হোৱাৰ লগতে নীতি-নিয়ম মানি থাকি নিজৰ লগতে সমাজ খনক সুৰক্ষাৰ ক্ষেত্ৰত ত্যাগ কৰিবলৈ আহ্বান জনাইছে।

শ্ৰী শ্ৰী আউনীআটী সত্ৰৰ সত্ৰাধিকাৰ ড০ পিতাম্বৰ দেৱ গোস্বামীয়ে প্ৰতি ক্ষেত্ৰতে চৰকাৰ তথা প্ৰশাসনে নিৰ্দ্ধাৰিত কৰি দিয়া নিয়ম নীতি সমূহ পালন কৰি সকলো শ্ৰেণীৰ লোকে চৰকাৰ খনক সহযোগিতা আগবঢ়াবলৈ আহ্বান জনাইছে l