সোমবাৰে ধেমাজি জিলাত অসম আৰক্ষীয়ে তিনিজন সন্দেহযুক্ত চোৰাংচিকাৰীক গ্ৰেপ্তাৰ কৰে আৰু তেওঁলোকৰ জিম্মাৰ পৰা এটা গঁড়ৰ খৰ্গ জব্দ কৰে।
ধৃত লোককেইজন হৈছে ভীম ডোলে, ৰাম মিলি, আৰু জন পেগু। আটাইকেইজনেই ঢকুৱাখনাৰ লোক।
বাতৰি অনুসৰি, ধেমাজিৰ গোগামুখ অঞ্চলত অভিযান চলাই তিনিওজনক আটক কৰা হয়। আৰক্ষীয়ে ৯৫০ গ্ৰাম ওজনৰ আৰু ৮ ইঞ্চি দৈৰ্ঘ্যৰ এটা গঁড়ৰ খৰ্গ জব্দ কৰে।
লগতে পঢ়ক: ডিব্ৰুগড়ত আটক আলফা স্বাধীনৰ কেডাৰ, লিংকমেন
আনহাতে, জব্দ কৰা খৰ্গটো কেনেকৈ তেওঁলোকৰ হাতলৈ আহিল সেইটো এতিয়াও স্পষ্ট হোৱা নাই।
এক সূত্ৰই জনোৱা মতে, এই খৰ্গটো হয়তো মাৰ্চ মাহত শেহতীয়াকৈ সংঘটিত হোৱা গঁড় হত্যাৰো হ’ব পাৰে যিটো যোৱা এবছৰত প্ৰথমটো গঁড় হত্যাৰ ঘটনা আছিল।
অৱশ্যে তিনিওজনকে ইতিমধ্যে পূৰ্বৰ চোৰাং চিকাৰৰ গোচৰৰ সৈতে জড়িত থকাৰ বাবে গ্ৰেপ্তাৰ কৰা হৈছে যদিও তদন্ততহে সঠিক তথ্য পোহৰলৈ আহিব।
লগতে পঢ়ক: টকাৰ বাহাদুৰী! আম্বানীৰ মেগা পাৰ্টিত ৫০০ টকীয়া নোটেৰে সজাই থোৱা মিঠাই; চৰ্চাত ধনীৰ কীৰ্তি
সূত্ৰটোৱে লগতে কয় যে তিনিওজনৰে জেৰা চলি আছে আৰু অতি সোনকালে সকলো তথ্য অৱগত কৰা হ’ব।
