পৃথিৱীৰ বুকুৰ পৰা হেৰাই যাব ধৰা এটি কণমানি চৰাই হৈছে ঘৰচিৰিকা।
মানৱ সমাজৰ সৈতে একেলগে বাস কৰা মৰমলগা এটি চৰাই আজি যেন বিলুপ্তিৰ পথত!
মানুহৰ ঘৰৰ ছালত, বাৰীৰ গছৰ খোৰোংত বাঁহ সাজি বসবাস কৰা এইবিধ চৰাই ঘৰচিৰিকা বা ঘনচিৰিকা হিচাপে সকলোৰে মাজত পৰিচিত।
লৰালৰি সময়ত পাৰ কৰা এই কণ মানি চৰাইজনী সঁচাই আজি বিলুপ্তিৰ দিশত। এক সময়ত এই কণমানি চৰাইজনীৰ কিল কিলনি মাত প্ৰায় প্ৰতিখন ঘৰতে শুনা গৈছিল। কিন্তু আজি এই কণমানি চৰাইজনী প্ৰায় বিলুপ্ত।
ক্ৰমানৰে বিলুপ্তিৰ দিশে অগ্ৰসৰ হোৱা চৰাইবিধৰ সংৰক্ষণৰ বাবে বিশ্বজুৰি ২০ মাৰ্চত পালন কৰি অহা হৈছে বিশ্ব ঘৰচিৰিকা দিৱস।
আজীৱন এহাল ঘৰচিৰিকাই যোৰ পাতি বাস কৰা দেখা যায়। প্ৰায় ১৬ ছেঃমিঃ দৈৰ্ঘ্যৰ বিৰল চৰাইবিধৰ সংৰক্ষণৰ ব্যৱস্থা কৰাটো এতিয়া নিশ্চিত ভাবে সময়ৰ দাবী।
শনিবাৰে শিৱসাগৰত নেচাৰ্ছ বেকনে পালন কৰে বিশ্ব ঘৰচিৰিকা দিৱস। বিলুপ্ত প্রায় চৰাই বিধ সংৰক্ষণৰ বাবে সজাগতা সৃষ্টিৰ প্ৰয়াস কৰাৰ লগতে ছাত্র ছাত্ৰীসকলৰ মাজত কুইজ প্ৰতিযোগিতা অনুষ্ঠিত কৰে নেচাৰ্ছ বেকনে।
