আজি শ্বহীদ কনকলতা বৰুৱা, ভোগেশ্বৰী ফুকননী আৰু কুমলী দেৱীৰ স্মৃতি দিৱস উপলক্ষে সমগ্ৰ অসমবাসীয়ে তিনিও গৰাকী বীৰাংগনাকে শ্ৰদ্ধাৰে সুঁৱৰিছে।
ৰাজ্যৰ বিভিন্ন প্ৰান্তত স্বাধীনতা সংগ্ৰামী তথা অসম হিতৈষী বীৰাংগনা কেইগৰাকীৰ স্মৃতিত ৰাইজে আনুষ্ঠানিকভাৱে শ্ৰদ্ধা নিবেদিছে।
বিভিন্ন জনে আজিৰ এই দিনটো অসমীয়া জীয়ৰীৰ জনমভূমিৰ প্ৰতি থকা প্ৰেম আৰু সাহসৰ প্ৰৱল সাক্ষী বুলি মন্তব্য কৰা পৰিলক্ষিত হৈছে।
উল্লেখণীয় যে গহপুৰৰ ওচৰৰ বৰঙাবাৰী গাঁৱত জন্ম লাভ কৰা কনকলতা বৰুৱা ভাৰতীয় স্বাধীনতা সংগ্ৰামৰ প্ৰথম মহিলা শ্বহীদ হিচাপে জনা যায়।
আনহাতে ১৮৮৫ চনত নগাঁৱৰ বঢ়মপুৰত জন্ম লাভ কৰা ভোগেশ্বৰী ফুকননী আৰু ঢেকিয়াজুলিৰ কুমলি দেৱীকো ভাৰতৰ স্বাধীনতা আন্দোলনৰ সক্ৰিয় যুঁজাৰু হিচাপে আখ্যা দিয়া হয়।
উল্লেখ্য যে ১৯৪২ৰ ভাৰত ত্যাগ আন্দোলনৰ অংশ স্বৰূপে ২০ ছেপ্তেম্বৰত এই তিনিও গৰাকী বিৰাংগনাই নিজৰ নিজৰ ঠাইত ভাৰতৰ তিৰংগ পতাকা উত্তোলন কৰিবলৈ গৈ বৃটিছ আৰক্ষীৰ গুলীত প্ৰাণ আহুতি দি শ্বহীদ হৈছিল।
দেশ তথা জাতিৰ হকে প্ৰাণ আহুতি দিয়া এই তিনিগৰাকী মহান নাৰীক আজিৰ দিনটোতে ৰাজ্যবাসীয়ে শ্ৰদ্ধাৰে সুঁৱৰি আহিছে।
