ৰাজ্যত কমিছে সক্ৰিয় কোভিড ৰোগীৰ সংখ্যা; আজি দুগৰাকী কোভিড আক্ৰান্তৰ মৃত্যু
অসমত আজিৰ দিনটোত দুগৰাকী লোকে ক’ৰ’না ভাইৰাছৰ সংক্ৰমণৰ ফলত প্ৰাণ হেৰুৱাবলগীয়া হয়।
ইয়াৰ ফলত ৰাজ্যত বৰ্তমানলৈ ক’ৰ’নাৰ সংক্ৰমণৰ ফলত প্ৰাণ হেৰুওৱা লোকৰ সংখ্যা ৯৬৬ গৰাকীলৈ বৃদ্ধি পায়।
ক’ৰ’নাৰ সংক্ৰমণৰ ফলত প্ৰাণ হেৰুওৱা ব্যক্তি দুগৰাকী হৈছে ক্ৰমে তিনিচুকীয়া জিলাৰ লিলিমা দত্ত(৬৫) আৰু চিত্ত ৰঞ্জন সৰকাৰ(৭৭)।
আনহাতে, অসমত আজি সম্পন্ন হোৱা ২৪৬৩৭ টা কোভিড পৰীক্ষাৰ ভিতৰত ২৪২ গৰাকী লোক প’জিটিভ হয়। কামৰূপ মহানগৰ জিলাত সৰ্বাধিক ৬৬ গৰাকী লোক ক’ৰ’না প’জিটিভ হয়।
ইপিনে, ৰাজ্যৰ বিভিন্ন চিকিৎসালয় আৰু কোভিড কেয়াৰ কেন্দ্ৰত আজি ৩৫৭ গৰাকী লোক ক’ৰ’নাৰ সংক্ৰমণৰ পৰা আৰোগ্য হৈ উঠে।
ৰাজ্যত ক’ৰ’নাৰ পৰা আৰোগ্যৰ হাৰ ৯৭.৯৬ শতাংশলৈ বৃদ্ধি পালে।
অসমত বৰ্তমান ৩৩২৯ গৰাকী সক্ৰিয় কোভিড ৰোগী আছে।
উল্লেখযোগ্য যে, অসমত এতিয়ালৈ মুঠ ২১০৬৯৬ গৰাকী লোক ক’ৰ’না ভাইৰাছৰ দ্বাৰা সংক্ৰমিত হোৱাৰ বিপৰীতে ২০৬৩৯৮ গৰাকী লোক চিকিৎসাৰ অন্তত সুস্থ হৈ উঠিছে।