কানাডাৰ সৈতে বাণিজ্যিক আলোচনা : কি কি সিদ্ধান্তৰ কথা ঘোষণা কৰিলে ট্ৰাম্পে?
আমেৰিকাৰ ৰাষ্ট্ৰপতি ড’নাল্ড ট্ৰাম্পে কয় যে তেওঁ কানাডাৰ সৈতে বাণিজ্যিক আলোচনা কৰিছে।
ট্ৰাম্পে কয় যে কানাডাই আমেৰিকাৰ টেক কোম্পানীসমূহক লক্ষ্য কৰি কৰ আৰোপ কৰিবলৈ সাজু হৈছে।
জুলাই মাহৰ মাজভাগলৈকে আমেৰিকা আৰু কানাডাই বাণিজ্যিক চুক্তিত সহমতত উপনীত হোৱাৰ দিশত কাম কৰি থকাৰ সময়তে ৰাষ্ট্ৰপতি ট্ৰাম্পে এই পদক্ষেপ গ্ৰহণ কৰিছে।
চলিত বৰ্ষৰ আৰম্ভণিতে আমেৰিকাৰ ৰাষ্ট্ৰপতি পদৰ দায়িত্ব লোৱাৰ পিছৰে পৰা ট্ৰাম্পে ‘বাণিজ্য যুদ্ধ’ চলাইছে। তেতিয়াৰ পৰা দুয়োখন দেশে ইখনে সিখনৰ সামগ্ৰীৰ ওপৰত শুল্ক আৰোপ কৰি আহিছে।
শুকুৰবাৰে আমেৰিকাৰ ৰাষ্ট্ৰপতিয়ে কয় যে টেক কোম্পানীসমূহৰ ওপৰত আৰোপ কৰা উচ্চ কৰৰ বাবে তেওঁ আলোচনাৰ অন্ত পেলাইছে।
ট্ৰাম্পে লগতে কয় যে অহা সপ্তাহত নতুন শুল্ক আৰোপ কৰাৰ কথাও ঘোষণা কৰিব। ট্ৰাম্পে ট্ৰুথ ছ’চিয়েলত লিখিছে, “আমি কানাডাৰ সৈতে বাণিজ্যৰ সকলো আলোচনা তাৎক্ষণিকভাৱে কাৰ্যকৰী কৰি শেষ কৰিছো।”
ট্ৰাম্পে কয় যে আমি অহা সাত দিনৰ ভিতৰত কানাডাক ক’ম যে তেওঁলোকে আমেৰিকাৰ সৈতে ব্যৱসায় কৰাৰ বাবে কিমান কৰ দিব লাগিব।অৱশ্যে কানাডাৰ প্ৰধানমন্ত্ৰী মাৰ্ক কাৰ্নীয়ে আমেৰিকাৰ সৈতে আলোচনা অব্যাহত ৰখাৰ ইংগিত দিছে। তেওঁ কয় যে আমি কানাডাৰ জনসাধাৰণৰ স্বাৰ্থত এই আলোচনা অব্যাহত ৰাখিম।