বিলাসীপাৰাত শোকাৱহ দুৰ্ঘটনা, থিতাতে মৃত্যু এগৰাকী শ্ৰমিকৰ
বিলসীপাৰাৰ টোকৰাবান্ধাত আজি সংঘটিত হোৱা এক শোকাৱহ দুৰ্ঘটনাত এগৰাকী শ্ৰমিকে প্ৰাণ হেৰুৱাবলগীয়া হোৱা ঘটনাই অঞ্চলটোত শোকৰ ছাঁ পেলাইছে।
বিলাসীপাৰাৰ টোকৰাবান্ধা শিল কোৱৰীত প্ৰায় ৩০ ফুট ওপৰৰ পৰা এখন শিল ভৰ্তি ট্ৰাক নিয়ন্ত্ৰণ হেৰুৱাই বাগৰি পৰাৰ ফলত ট্ৰাকখনত থকা শ্ৰমিক এগৰাকীৰ কৰুণ মৃত্যু হয়।
মৃত্যু হোৱা শ্ৰমিক গৰাকীৰ নাম হাতেম আলী বুলি জানিব পৰা গৈছে।
দুৰ্ঘটনাটো সংঘটিত হোৱাৰ বাতৰি লাভ কৰাৰ পাছতে ঘটনাস্থলীত আৰক্ষীৰ দল উপস্থিত হয় আৰু মৃত্যু হোৱা শ্ৰমিক জনৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে চিকিৎসালয়লৈ প্ৰেৰণ কৰে।
আৰক্ষীয়ে দুৰ্ঘটনাগ্ৰস্ত এ এম পি-০৮১১ নম্বৰৰ ট্ৰাকখনো জব্দ কৰে।
আনহাতে, স্থানীয় ৰাইজে শিল কোৱৰীৰ কৰ্তৃপক্ষৰ গাফিলতিৰ বাবে এই দুৰ্ঘটনাটো সংঘটিত হ’বলৈ পালে বুলি অভিযোগ কৰাৰ লগতে মৃত্যু হোৱা শ্ৰমিক গৰাকীৰ পৰিয়াললৈ সাহাৰ্য্য প্ৰদানৰ দাবী জনায়।