বৰপেটা জিলাৰ নাঙলকুৰ গাঁৱত শুকুৰবাৰে সংঘটিত হোৱা শোকাৱহ পথ দুৰ্ঘটনাত শিশুকে ধৰি এটা পৰিয়ালৰ তিনিগৰাকী সদস্যই কৰুণ মৃত্যুক সাৱতিবলগীয়া হয়।
জানিব পৰা মতে, এ এছ-০১-জেচি-১৫১৯ নম্বৰৰ হুণ্ডাই ইয়ন বাহনখনে নিয়ন্ত্ৰণ হেৰুৱাই পথৰ দাতিত থকা এটা পুখুৰীত বাগৰি পৰে।
এই শোকাৱহ পথ দুৰ্ঘটনাটোত গাড়ীখনত থকা দুগৰাকী শিশুকে ধৰি তিনিগৰাকী লোকৰ মৃত্যু হয়।
পথ দুৰ্ঘটনাটোত মৃত্যু হোৱা ব্যক্তি কেইগৰাকী নৰুল ইছলাম (৪৫) আৰু তেওঁৰ ১৪ বছৰীয়া কন্যা আৰু চাৰিবছৰীয়া নাতি বুলি চিনাক্ত কৰা হয়।
পথ দুৰ্ঘটনাটো সংঘটিত হোৱাৰ খবৰ লাভ কৰাৰ পাছতে স্থানীয় লোকে ঘটনাস্থলীত উপস্থিত হয় আৰু পুখুৰীটোৰ পৰা বাহনখন উদ্ধাৰ কৰে আৰু তিনিওকে বৰপেটা চিকিৎসা মহাবিদ্যালয় হস্পিটেললৈ প্ৰেৰণ কৰে যদিও চিকিৎসকে তিনিওকে মৃত ঘোষণা কৰে।
শোকৱাহ পথ দুৰ্ঘটনাটোত একেটা পৰিয়ালৰ তিনিগৰাকী লোকে এনেদৰে কৰুণ মৃত্যুক সাৱতিবলগীয়া হোৱা ঘটনাই সমগ্ৰ অঞ্চলটোত শোকৰ ছাঁ পেলাইছে।
