বঙাইগাঁৱৰ ১৭ নং ৰাষ্ট্ৰীয় ঘাইপথত আজি পুৱা এক শোকাৱহ পথ দুৰ্ঘটনা ঘটে। তালগুৰিৰ নিত্য বজাৰৰ সমীপত, এক আল্ট্ৰা বাছৰ তীব্ৰবেগেৰে মটৰচাইকেলেৰে যাত্ৰা কৰি থকা শিক্ষক নাছিৰ আহমেদ আৰু তেওঁৰ কন্যা শ্বাহনাজক খুন্দা মাৰে। এই দুৰ্ঘটনাত দুয়োজনৰ থিতাতে মৃত্যু ঘটে৷
দুৰ্ঘটনাৰ পাছত, উত্তেজিত ৰাইজে আল্ট্ৰা বাছখন জ্বলাই দিয়ে৷ঘটনাৰ পাছতে গাড়ীৰ চালকে পলায়ন কৰে। ৰাইজৰ অভিযোগ আছিল যে দুৰ্ঘটনাৰ বাছখন তীব্ৰ গতিত চলি আছিল। ঘটনাৰ পূৰ্বে বহুদিন ধৰি এই আল্ট্ৰা বাছৰ দৌৰাত্ম্য আছিল।
বঙাইগাঁও আৰক্ষী ঘটনাস্থলীত উপস্থিত হৈ পৰিস্থিতি নিয়ন্ত্ৰণৰ চেষ্টা কৰে, কিন্তু ৰাইজৰ উত্তেজনা বৃদ্ধি পায়। বঙাইগাঁও আৰক্ষী আৰু CRPFৰ সহায়ত পৰিস্থিতি নিয়ন্ত্ৰণৰ চেষ্টা কৰা হয়, যদিও উত্তেজিত ৰাইজক শান্ত কৰিব পৰা নগ’ল।
ঘটনাটোৰ পাছত, ৰাইজে ৰাজপথ অৱৰোধ কৰি নিজৰ দাবী পূৰণৰ বাবে আন্দোলনত নামি পৰে৷
