ভাৰত মাতাৰ সন্মানৰ কথা কোৱা বিজেপিৰ এগৰাকী মুখ্য মন্ত্ৰীয়ে এইবাৰ ৰাষ্টীয় পতাকাৰ প্ৰতি অসন্মান কৰা দেখা গ’ল।
ত্ৰিপুৰাৰ মুখ্য মন্ত্ৰী বিপ্লৱ কুমাৰ দেবে বৃহস্পতিবাৰে আগৰতলাৰ নিজা চৰকাৰী আৱাসত ৭৩ সংখ্যক স্বাধীনতা দিৱস উদযাপন কৰে।
কিন্তু পতাকা উত্তোলনৰ সময়ত তেওঁক জোতা পিন্ধিয়ে পতাকা উত্তোলন কৰা দেখা গ’ল।
এই ফটো আনকি তেওঁ নিজা ফেচবুক পেজতো আপলোড কৰিছে।
মুখ্য মন্ত্ৰীগৰাকীয়ে ‘৭৩ সংখ্যক স্বাধীনতা দিৱস আগৰতলাৰ চৰকাৰী আবাসত পালন কৰাৰ কথা জানিবলৈ দি সকলোকে স্বাধীনতা দিৱসৰ শুভেচ্ছা জনাইছে।
ইপিনে, ফটোখন দিয়াৰ লগে লগে বহুতে ইয়াক লৈ অসন্তোষ ব্যক্ত কৰিছে।
ফেচবুকত বিভিন্ন জনে মুখ্য মন্ত্ৰীগৰাকীক কমেন্টেৰে তেওঁৰ ত্ৰুটি আঙুলিয়াই দিছে।
বিশ্বজিৎ দাস নামৰ এজনে লিখিছে ‘ছাৰ জোতা পিন্ধি পতাকা উত্তোলন কৰাটো ঠিক হোৱা নাই।‘
দীপ ৰয় নামৰ এজনে লিখিছে, ভৰিত জোতা পিন্ধি কিয় ?
মনু ৰাজ বাবু নামৰ এজনে, পৰৱৰ্তী সময়ত পতাকা উত্তোলন কৰিলে জোতা খুলি ল’বলৈ অনুৰোধ জনাইছে।
ত্ৰিপুৰাৰ বিজেপি দলৰ মুখ্য মন্ত্ৰীগৰাকীৰ এই কাৰ্যই কেৱল জাতীয় পতাকাক অপমান কৰাই নহয়, লগতে দলকো বিপাঙত পেলাইছে।
