অকালতে চুলি পকিছে নেকি আপোনাৰ? পকা চুলি লুকুৱাবৰ বাবে ৰং সানিবলৈ লৈছে নেকি আপুনি? বিভিন্ন চিকিৎসা কৰিও লাভ কৰা নাই নেকি একো ফলাফল? তেন্তে পঢ়ি লওক আমাৰ এইটো লেখা-
আজিকালি অকালতে চুলি পকি যোৱাতো এক সাধাৰণ ঘটনালৈ ৰূপান্তৰ হৈছে। আগ্ত্ৰ বৃদ্ধাৱস্থাত মানুহৰ চুলি পকিছিল। কিন্তু আজিকালি ডেকা বা কিশোৰ কালতেই চুলি পকিবলৈ আৰম্ভ কৰে। জীৱনশৈলী, খাদ্য, প্ৰদূষণ, ৰসায়নিক দ্ৰব্য আদি বিভিন্ন কাৰকৰ বাবে অকালতে চুলি সৰিবলৈ আৰম্ভ কৰিছে।
ছাল আৰু পেটৰ দৰে চুলিৰ বাবেও হালধী এক প্ৰকাৰৰ মহৌষধ। যিয়ে চুলিক অকালতে পকাৰ পৰা ৰক্ষা কৰে, চুলি কোমল কৰে আৰু চুলিৰ শিপা শক্তিশালী কৰে।
হালধীয়ে মূৰৰ ছাল শুষ্কতা ৰোধ কৰি, চুলি সৰা আৰু উফি ৰোধ কৰাত সহায় কৰে।
এই প্ৰাকৃতিক উপাদানত এন্টিফাংগেল আৰু এন্টি-ইনফ্লেমেটৰী গুণ আছে, যিয়ে চুলিৰ বৃদ্ধিতো সহায় কৰে।
১. কেঁচা হালধী বা হালধীৰ গুৰি ২ চামুচ শুকান কেৰাহীত ভাজি লওক। তাৰ পিছত হালধীখিনি ঠাণ্ডা কৰি প্ৰয়োজন অনুসৰি অলিভ অইলৰ লগত মিহলাই লওক। এতিয়া এই মিশ্ৰণটো চুলিৰ গুৰিত লগাওক। সপ্তাহত এবাৰ এনে কৰিলে চুলি পকআৰ সমস্যা দূৰ হ’ব।
২. হালধীৰ লগত আমলখি পিহি চুলিত লগাওক। এই মিশ্ৰণে শুকান চুলিৰ সমস্যা নিৰাময় কৰিব। ইয়াৰ উপৰিও চুলি সৰা কমোৱাত সহায় কৰিব।
৩. নাৰিকল তেল গৰম কৰি লওক। ইয়াত হালধীৰ গুৰি বা কেঁচা হালধীৰ পেষ্ট মিহলাই লওক। এই মিশ্ৰণেৰে মূৰৰ ছালখন ভালদৰে মালিচ কৰক। তাৰ পিছত ৩০ মিনিট অপেক্ষা কৰি চেম্পু কৰি লওক। এই মিশ্ৰণ সপ্তাহত ২-৩ বাৰ ব্যৱহাৰ কৰিলে চুলি শুকান হোৱাৰ সমস্যাৰ পৰা হাত সাৰিব পাৰি।
