৭১ সংখ্যক গণৰাজ্য দিৱসৰ লগত সংগতি ৰাখি কোকৰাঝাৰ জিলাৰ দুগৰাকী জ্যেষ্ঠ সাংবাদিক ক্ৰমে অজিত বসুমতাৰী(দ্যা চেণ্টিনেল) আৰু মলয়া ডেকা(দৈনিক যুগশংখ)ক সম্বৰ্ধনা জনোৱা হয়।
কোকৰাঝাৰ চৰকাৰী উচ্চতৰ মাধ্যমিক বিদ্যালয় আৰু বহুমখী বিদ্যালয়ৰ খেলপথাৰত অনুষ্ঠিত গণৰাজ্য দিৱস উদযাপন কাৰ্যসূচীত বি টি চি প্ৰধান হাগ্ৰামা মহিলাৰীয়ে সাংবাদিক দুগৰাকীক মানপত্ৰ আৰু বঁটাৰে সন্মানিত কৰে।
মহিলাৰীয়ে ভাষণত দেশৰ উন্নয়নৰ স্বাৰ্থত সকলো নাগৰিককে শান্তি-সম্প্ৰীতি বজাই ৰাখিবলৈ আহ্বান জনায়।
এন ডি এফ বিৰে কৰিবলগীয়া শান্তি চুক্তিৰ জৰিয়তে দীৰ্ঘদিনীয়া বড়ো সমস্যাৰ স্থায়ী সমাধানৰ বাবে গ্ৰহণ কৰা পদক্ষেপৰ বাবে কেন্দ্ৰীয় চৰকাৰক ধন্যবাদ জনাই মহিলাৰীয়ে।
নতুনকৈ হ’ব লগীয়া বড়ো চুক্তিৰ ফলত বি টি এ ডিয়ে বহু কিবা কিবি লাভ কৰিব বুলিও বিটিচি প্ৰধানগৰাকীয়ে মন্তব্য কৰে।
জিলাখনৰ গোসাইগাঁও আৰু পৰভাতঝৰাতো ৰাষ্ট্ৰীয় পতাকা উত্তোলনৰ লগতে বিভিন্ন কাৰ্যসূচীৰ মাজেৰে ৭১ সংখ্যক গণৰাজ্য দিৱস উদযাপন কৰা হয়।
