মহাৰাষ্ট্ৰৰ মুখ্যমন্ত্ৰী একনাথ শিন্দে নেতৃত্বাধীন শিৱসেনাৰ পৰা পদত্যাগ কৰিলে মহাৰাষ্ট্ৰৰ প্ৰাক্তন মন্ত্ৰী সুৰেশ নৌলে। ইয়াৰ সমান্তৰালকৈ মঙলবাৰে বীৰ লোকসভা সমষ্টিত বিৰোধী মিত্ৰজোঁট এন চি পি (শাৰদ পাৱাৰ)ৰ প্ৰাৰ্থীক সমৰ্থন কৰাৰ কথা ঘোষণা কৰে।
১৩ মে’ত বীৰকে ধৰি মাৰাথৱাড়া অঞ্চলৰ ১১টা লোকসভা সমষ্টিত ভোটগ্ৰহণ অনুষ্ঠিত হ’ব। তাৰ আগতে সুৰেশৰ দলত্যাগে শিন্দেসেনাৰ বাবে এক জোকাৰণিৰ সৃষ্টি কৰিছিল। মঙলবাৰে সুৰেশে কয়, ‘শিন্দেৰ শিবিৰত যোগদান কৰাসকলৰ ৰাজনৈতিক ভৱিষ্যত শেষ হ’বলৈ ওলাইছে। যদি এই পৰিস্থিতি অব্যাহত থাকে তেন্তে বিধানসভা নিৰ্বাচনৰ পূৰ্বে দলটোৰ অৱস্থা আৰু অধিক অৱনতি ঘটিব।”
যদিও কোনো দলক পোনপটীয়াকৈ লক্ষ্য কৰি লোৱা নাই, ৰাজনৈতিক পৰ্যবেক্ষকৰ এটা অংশই বিশ্বাস কৰে যে বিজেপি হৈছে সিন্দেৰ ঘনিষ্ঠ সুৰেশৰ লক্ষ্য। প্ৰয়াত বিজেপি নেতা গোপীনাথ মুণ্ডেৰ কন্যা প্ৰীতমে সেই কেন্দ্ৰতে বিগত তিনিটা নিৰ্বাচনত জয়লাভ কৰিছে। এইবাৰ বিৰোধী ‘মহাবিকাশ আঘাড়ী’ মিত্ৰজোঁটৰ হৈ এন চি পি (শৰদ পাৱাৰ)য়ে যুঁজ দিছে। সুৰেশে তেওঁলোকৰ প্ৰাৰ্থী বজৰং মনোহৰ সোণোৱানেক বিনাচৰ্তে সমৰ্থন জনোৱাৰ কথা ঘোষণা কৰে।