জাপানৰ টকিঅ’ত অনুষ্ঠিত হ’ব লগা আন্তঃৰাষ্ট্ৰীয় কাৰাটে প্ৰতিযোগিতালৈ কলিয়াবৰৰ দুই কাৰাটেয়ান নিৰ্বাচিত হৈছে।
কলিয়াবৰৰ কাৰাটে প্ৰশিক্ষক বিপ্লৱ শইকীয়া আৰু ৮ বছৰীয়া কণমাণি অংশ্ৰী প্ৰিয়ম আহমেদ নিৰ্বাচিত হৈছে আন্তঃৰাষ্ট্ৰীয় কাৰাটে প্ৰতিযোগিতালৈ।
লগতে পঢ়ক: ৰিঙত বাগৰি পৰাৰ পিছত মৃত্যুক সাৱটিলে অৰুণাচলৰ ২৪ বছৰীয়া কিকবক্সাৰ ইয়োৰা টাডে
ভাৰতৰ হৈ ৬ কাৰাটেয়ানে প্ৰতিনিধিত্ব কৰিব টকিঅ’ত অনুষ্ঠিত হব লগা আন্তঃৰাষ্ট্ৰীয় কাৰাটে প্ৰতিযোগিতাখনত। ইয়াৰে¸অসম তথা কলিয়াবৰৰ পৰা নিৰ্বাচিত হৈছে দুই কাৰাটে প্ৰতিযোগী।
অহা নৱেম্বৰত টকিঅ’ত অনুষ্ঠিত হবলগা আন্তঃৰাষ্ট্ৰীয় কাৰাটে প্ৰতিযোগিতাৰ বাবে এতিয়া সাজু হৈছে কাৰাটে প্ৰশিক্ষক তথা প্ৰতিযোগী বিপ্লৱ শইকীয়া আৰু কণমাণি অংশ্ৰী প্ৰিয়ম আহমেদ।
ইয়াৰ পূৰ্বে বিপ্লৱ শইকীয়া আৰু অংশ্ৰী প্ৰিয়ম আহমেদে ভাৰতৰ ভিন্ন স্থানত অনুষ্ঠিত কাৰাটে প্ৰতিযোগিতাত অংশগ্ৰহণ কৰি পদক বুটলিবলৈ সক্ষম হৈছিল।
লগতে পঢ়ক: Agnipath: ‘অগ্নিপথ’ বিতৰ্কৰ প্ৰভাৱ গোৰ্খা ৰেজিমেণ্টত; নিযুক্তি স্থগিত ৰাখিব বিচাৰিছে নেপালে
আনহাতে, শৈশৱৰে পৰা কাৰাটেৰ কঠোৰ অনুশীলনত ব্যস্ত থকা আঠ বছৰীয়া অংশ্ৰীয়ে অনায়াসে ভাঙিব পাৰে টিউৱ লাইট, কলহ ইত্যাদি।
