অসমত আৰু দুগৰাকী ক’ভিড ৰোগীৰ মৃত্যু, মুঠ মৃতকৰ সংখ্যা ৯৪লৈ বৃদ্ধি
আৰু দুগৰাকী ক’ভিড-১৯ ৰোগীয়ে অসমত বৃহস্পতিবাৰে প্ৰাণ হেৰুৱাইছে।
অসমত ক’ভিডত মৃত্যু হোৱা লোকৰ সংখ্যা ৯৪গৰাকীলৈ বৃদ্ধি পাইছে।
বৃহস্পতিবাৰে মৃত্যু হোৱা ব্যক্তি দুগৰাকী হৈছে—কামৰূপ মহানগৰৰ আঅ’লেপ্সি জমিৰ (৫৭) আৰু দৰং জিলাৰ স্বপন সাহা (৪৫)।
স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰিছে।
বুধবাৰে চাৰিগৰাকী ক’ভিড ৰোগীয়ে অসমত প্ৰাণ হেৰুৱাইছিল আৰু মুঠ মৃতকৰ সংখ্যা ৯২লৈ বৃদ্ধি পাইছিল।
I mourn the demise of two more #COVID19 patients today, Late Aolepshi Jamir (57) of Kamrup Metro and Late Swapan Saha (45) of Darrang.
May God give the bereaved families enough strength to bear the loss.
Prayers & condolences ?
— Himanta Biswa Sarma (@himantabiswa) July 30, 2020
আনহাতে অসমত বুধবাৰলৈকে ২৭,৮৩২গৰাকী ব্যক্তিয়ে ক’ভিডৰ পৰা আৰোগ্য লাভ কৰিছে।
অসমত আৰোগ্যৰ হাৰ হৈছে ৭৬.৭৭ শতাংশ।
বুধবাৰলৈকে অসমত সক্ৰিয় ৰোগীৰ সংখ্যা আছিল ৮৩৬৮গৰাকী।
বুধবাৰলৈকে অসমত ২৪ ঘণ্টাত ১৮,৯৪১টা ক’ভিড টেষ্ট সম্পন্ন হৈছে।
টেষ্টৰ তুলনাত ক’ভিড পজিটিভৰ হাৰ ৭.১১শতাংশ।
অসমত বুধবাৰলৈকে চিনাক্ত মুঠ ক’ভিড আক্ৰান্তৰ সংখ্যা হৈছে ৩৬,২৯৫গৰাকী।
ইয়াৰে তিনিগৰাকী আন ঠাইলৈ স্থানান্তৰিত হৈছে।