গুৱাহাটীত আৰু দুজন চাইবাৰ অপৰাধ চক্ৰৰ মাষ্টাৰমাইণ্ডক গ্ৰেপ্তাৰ
প্ৰতিনিধিত্বমূলক ফটো।
গুৱাহাটীৰ চান্দমাৰী অঞ্চলৰ পৰা চাইবাৰ অপৰাধৰ চক্ৰ চলোৱা সন্দেহযুক্ত আৰু দুজন ব্যক্তিক আৰক্ষীয়ে গ্ৰেপ্তাৰ কৰিছে।
সূত্ৰ অনুসৰি অভিযুক্তই মহানগৰীত অবৈধ কল চেণ্টাৰ চলোৱাৰ সন্দেহ প্ৰকাশ কৰিছে।
এই কল চেণ্টাৰসমূহে লোকক চৰকাৰী বা বেংকৰ বিষয়াৰ পৰিচয়েৰে লাখ লাখ টকাৰ প্ৰতাৰণা কৰাৰ অভিযোগ উত্থাপন হৈছে।
লগতে পঢ়কঃ গাজাত চৰম মানৱীয় সংকট! বন্ধ হৈ পৰিল একমাত্ৰ কেন্সাৰ হাস্পাতালখনো
অভিযুক্ত দুজনক মহেন্দ্ৰ শ্বান আৰু ৰাজদ্বীপ ছাদনা বুলি চিনাক্ত কৰা হৈছে। নিৰ্দিষ্ট খৱৰৰ ভিত্তিত চান্দমাৰী থানাৰ এটা দলে তেওঁলোকক গ্ৰেপ্তাৰ কৰে।
আৰক্ষীয়ে জনোৱা মতে, অভিযুক্তই ব্যৱহাৰ কৰি থকা এখন গাড়ীও জব্দ কৰা হৈছে।
গুৱাহাটীৰ বামুণীমৈদাম অঞ্চলৰ সুৱনশিৰি এপাৰ্টমেণ্টত উৎখাত কৰা অবৈধ কল চেণ্টাৰৰ সৈতে তেওঁলোক জড়িত থকাৰ সন্দেহ কৰা হৈছে।
আৰক্ষীয়ে তদন্ত আৰম্ভ কৰি তেওঁলোকৰ সৈতে জড়িত সন্দেহযুক্ত আৰু অধিক অভিযুক্তক বিচাৰি উলিয়াবলৈ অভিযান আৰম্ভ কৰিছে।