অসম আহি পালেহি কোভিডৰ দক্ষিণ আফ্ৰিকাৰ প্ৰজাতি অমিক্ৰন।
ৰাজ্যত দুজনকৈ লোক অমিক্ৰনত আক্ৰান্ত হৈছে।
ইয়াৰে এজন সোণাপুৰৰ আৰু আন জন হোজাইৰ।
অসমে বুধবাৰে অমিক্ৰনৰ প্ৰথমটো সংক্ৰমণৰ ঘটনা চিনাক্ত কৰা হয়।
সোণাপুৰত এটি ১৩বছৰীয়া শিশু অমিক্ৰনত সংক্ৰমিত হৈছে।
মুন্না দাস আৰু পূৰ্ণিমা দাসৰ পুত্ৰ শিশুটি সোণাপুৰৰ এটা ভাড়াঘৰত বাস কৰি আছে৷ কৰ্মসূত্ৰে মুম্বাইত বাস কৰা দাসৰ পৰিয়ালটো ২১ ডিচেম্বৰত মেঘালয়লৈ গৈছিল আৰু পৰীক্ষা কৰোঁতে শিশুটিক অমিক্ৰনত আক্ৰান্ত বুলি নিশ্চিত কৰা হয়।
ভাইৰাছবিধ চিনাক্ত হোৱাৰ পিছত তেওঁলোকে সোণাপুৰৰ মৈৰাকুছিৰ ভাড়াঘৰতে আছিল। সংক্ৰমণৰ কথাটো ধৰা পৰাৰ পিছত পিছত স্বাস্থ্য বিভাগৰ বিষয়া আৰু সোণাপুৰ আৰক্ষীয়ে ঘৰটোলৈ যায় পৰিয়ালসহ আক্ৰান্ত শিশুটিয়ে পলায়ন কৰে।
বৰ্তমান সোণাপুৰ আৰক্ষীয়ে আক্ৰান্ত শিশুটিক বিচাৰি অভিযান চলাই গৈছে।
ইপিনে হোজাইত মহম্মদ হুছেইন নামৰ লোক এজন অমিক্ৰনত আক্ৰান্ত হৈছে।
তেওঁ অলপতে চৌদি আৰৱৰ পৰা হোজাইলৈ আহিছিল।
