এখনৰ পিছত এখনকৈ আৰম্ভ কৰা হৈছে বন্দে ভাৰত ৰে’লৰ যাত্ৰা। দেশজুৰি বিভিন্ন পথত চলি আছে বন্দে ভাৰত। কিন্তু এইবাৰ সেই তালিকাত ছিকিমকো সংযোজন কৰা হ’ব পাৰে। সেৱক-ৰংপো ৰে’লপথ নিৰ্মাণৰ কাম চলি আছে। তাৰ মাজতে এটা ডাঙৰ খবৰ আহিল। এতিয়া বন্দে ভাৰত ছিকিমতো চলিব পাৰে।
ভাৰতৰ অন্যতম ৰে’ল ছেমি হাই স্পীড ভ্যান এইবাৰ ছিকিমতো চলিব। বিভিন্ন অসুবিধাৰ মাজতে সেৱক-ৰংপো ৰেলপথ নিৰ্মাণৰ কাম অব্যাহত আছে। বাৰে বাৰে আহি আছে বিভিন্ন বাধা। তথাপি কাম চলি আছে। অৱশ্যে ছিকিমৰ প্ৰথমটো ৰে’ল ষ্টেচন অহা বছৰ অৰ্থাৎ ২০২৫ চনৰ আগষ্ট মাহত কাৰ্যক্ষম হ’ব বুলি ধাৰণা কৰা হৈছে। আৰু তাৰপিছতহে ঢাপে ঢাপে বান্দে ভাৰতৰ শুভাৰম্ভ কৰা হ’ব।
লগতে পঢ়কঃ আকৌ ওলাল টকাৰ পাহাৰ! মন্ত্ৰীৰ সচিবৰ পৰিচাৰকৰ ঘৰৰ পৰা উদ্ধাৰ বাণ্ডিলে বাণ্ডিলে টকা
ছিকিমত পাহাৰীয়া ৰে’লপথ। সুৰক্ষাৰ সকলো নিয়ম মানি কাম চলি আছে। কিন্তু বেছিভাগ ক্ষেত্ৰতে ৰে’লপথটো সুৰংগটোৰ মাজেৰে লৈ যোৱা হ’ব। বাটত কেইবাটাও ষ্টেচন থাকিব। আনহাতে এই ৰে’লপথ মুকলি হ’লে পৰ্যটকৰ বাবে যথেষ্ট সুবিধা হ’ব। কাৰণ বৰ্তমান সময়ত নিউ জলপাইগুৰি, বাগডোগ্ৰা বা শিলিগুৰিলৈ যোৱাৰ পিছত পৰ্যটকসকলে মূলতঃ বাছ বা গাড়ীৰে ছিকিমলৈ যাব লগা হয়। বছৰ বছৰ ধৰি এইদৰেই চলি আহিছে। কিন্তু ছিকিমত ৰে’লপথ মুকলি হ’লেই বৈপ্লৱিক পৰিৱৰ্তন হ’ব।
কাৰণ তেতিয়া ছিকিমৰ সৈতে পোনপটীয়াকৈ উত্তৰ ভাৰত আৰু উত্তৰ-পূব ভাৰতলৈ ৰে’ল সংযোগ গঢ়ি তুলিব পৰা যাব। ভাৰতত ৰে’লৱেত এক বৈপ্লৱিক পৰিৱৰ্তন আনিব বন্দে ভাৰতে। সমগ্ৰ উত্তৰ-পূৰ্বাঞ্চলৰ যোগাযোগৰ ক্ষেত্ৰত বন্দে ভাৰতে একেলগে এক বৈপ্লৱিক পৰিৱৰ্তন আনিব।
যোৱা বছৰ কেন্দ্ৰীয় ৰে’ল মন্ত্ৰী অশ্বিনী বৈষ্ণবে ২০২৪ চনৰ ডিচেম্বৰ মাহত ছিকিমত বন্দে ভাৰত আৰম্ভ কৰা হ’ব বুলি কৈছিল। সেৱক-ৰংপো ৰে’লপথৰ কাম-কাজো পৰিদৰ্শন কৰিছিল। সেই সময়ত তেওঁ কাম দেখাৰ পিছত সন্তুষ্টি প্ৰকাশ কৰিছিল। এই প্ৰকল্পত কমেও ১৪টা সুৰংগ আছে। ১৭খন দলং এই প্ৰকল্পৰ অধীনত আছে। খবৰ মতে নাথুলাৰ সৈতেও এই পথেৰে সংযোগ ৰক্ষা কৰিব পৰা যাব।
লগতে পঢ়কঃ টাইটানিক চিনেমাৰ কেপ্তেইন স্মিথ, লৰ্ড অৱ দ্য ৰিংছৰ অভিনেতা বাৰ্নাৰ্ড হিলৰ দেহাৱসান
অৱশ্যে বিভিন্ন কাৰণত এই প্ৰকল্পটোত কিছু সময় লাগিছে। মূলতঃ প্ৰাকৃতিক প্ৰতিকূলতাৰ মাজত কাম কৰিবলগীয়া হৈছে। ইপিনে সকলো ঠিকে থাকিলে বন্দে ভাৰতত ছিকিমৰ পৰা গুৱাহাটীলৈ যাবলৈ মাত্ৰ ৫ ঘণ্টা সময় লাগিব। সম্প্ৰতি এনজেপিৰ পৰা গুৱাহাটীলৈ যায় বন্দে ভাৰত। সময় লাগে চাৰে ৫ ঘণ্টা। কিন্তু এইবাৰ ছিকিম, পশ্চিমবংগ আৰু অসমৰ বাবে নতুন আশাৰ সঞ্চাৰ হৈছে।
