আমেৰিকাৰ গুৰুদ্বাৰাত বন্দুকধাৰীৰ গুলীয়াগুলি; গুৰুতৰভাৱে আহত ২ জন
এইবাৰ আমেৰিকা যুক্তৰাষ্ট্ৰৰ গুৰুদ্বাৰাত গুলীবৰ্ষণৰ ঘটনা। দেওবাৰে স্থানীয় সময় অনুসৰি দুপৰীয়া প্ৰায় ২:৩০ বজাত কেলিফৰ্ণিয়াৰ চেক্ৰামেণ্টো গুৰুদ্বাৰাত গুলীবৰ্ষণৰ শব্দ শুনা গৈছিল। দুজন লোক গুৰুতৰভাৱে আহত হয়। স্থানীয় প্ৰশাসনে তেওঁলোকৰ অৱস্থা সংকটজনক বুলি জনাইছে। অৱশ্যে, প্ৰশাসনে ঘটনাটো ব্যক্তিগত বিবাদৰ বাবে সংঘটিত হোৱা বুলি দাবী কৰে।
চেক্ৰামেণ্টো কাউণ্টি শ্বেৰিফৰ মুখপাত্ৰ অমৰ গান্ধীয়ে কয় যে ঘটনাটোৰ সৈতে সংঘৰ্ষ বা সন্ত্ৰাসবাদৰ কোনো সম্পৰ্ক নাই। দুজন মানুহৰ মাজত বিবাদ হৈছিল। ফলস্বৰূপে, তেওঁলোকে হঠাতে ইজনে সিজনৰ ওপৰত গুলীচালনা কৰে। গুৰুদ্বাৰাত তিনিজনৰ মাজত তৰ্কাতৰ্কি আৰম্ভ হৈছিল। তাৰ পৰাই গুলীচালনাৰ ঘটনা ঘটে।
লগতে পঢ়ক: মৰ্মান্তিক! নলবাৰীত ভয়াবহ পথ দুৰ্ঘটনাত থিতাতে নিহত পতি-পত্নী; কথমপি প্ৰাণৰক্ষা শিশুৰ
বাতৰি অনুসৰি, তৰ্ক চলি থকাৰ সময়তে এজন ব্যক্তিয়ে আন এজন ব্যক্তিৰ বন্ধুৰ ওপৰত গুলীচালনা কৰিছিল। লগে লগে তেওঁৰ পিনেও লক্ষ্য কৰি গুলী চলোৱা হয়। গুলীচালনাৰ পিছত প্ৰথম ব্যক্তিজনে তেওঁৰ বন্ধুক ৰক্তাক্ত অৱস্থাত এৰি থৈ পলাই যায়।
Earlier today, I joined w our #Sikh community in celebration of the 1st Nagar Kirtan at the Bradshaw #Gurdwara. I left the festivities a little after 12-noon. I am disheartened to learn that since there has been a shooting & several individuals were wounded (1/2) #nagarkirtan
— Lisa Kaplan, Councilmember (@CM_LisaKaplan) March 26, 2023
অমৰ গান্ধীৰ মতে, “প্ৰাথমিক ধাৰণা অনুসৰি এই ঘটনাৰ সকলো অভিযুক্ত ইজনে সিজনৰ পৰিচিত। দীৰ্ঘদিনীয়া সমস্যাৰ পৰিণতিতে সংঘটিত হৈছিল ঘটনাটো।”
স্থানীয় আৰক্ষীয়ে ইতিমধ্যে ঘটনাটোৰ তদন্ত আৰম্ভ কৰিছে। পলাতক অভিযুক্তৰ বাবে এটা তালাচী অভিযান আৰম্ভ কৰা হৈছে। দুজন লোক আঘাতপ্ৰাপ্ত হৈ চিকিৎসালয়ত চিকিৎসাধীন হৈ আছে। প্ৰশাসনৰ মতে দুয়োজন ব্যক্তিৰ অৱস্থা অতি সংকটজনক।