নলবাৰীৰ মুগকুছিত যোৱা নিশা প্ৰায় ১ বজাত সংঘটিত হোৱা এক মৰ্মান্তিক পথ দুৰ্ঘটনাত দুজন লোক থিতাতে নিহত হয়। নলবাৰীৰ পৰা গুৱাহাটী অভিমুখী আহি থকা অৱস্থাত AS-01 EZ 4055 নম্বৰৰ বাহনখন দুৰ্ঘটনাত পতিত হয়।
জানিব পৰা মতে, বাহনখনে নিয়ন্ত্রণ হেৰুৱাই এডাল গছত খুন্দা মৰাৰ ফলত এই ভয়াবহ পথ দুৰ্ঘটনাটো ঘটে। দুৰ্ঘটনাটোত বাহনখনত থকা পতি-পত্নী থিতাতে নিহত হয়। আনহাতে, তেওঁলোকৰ শিশুটিৰ কথমপি প্রাণৰক্ষা পৰে। নিশা টোপনিৰ বাবে এই দুৰ্ঘটনা সংঘটিত হোৱাৰ সন্দেহ কৰা হৈছে।
লগতে পঢ়ক: সুষমা স্বৰাজৰ কন্যাৰ ৰাজনীতিত পদাৰ্পণ; দিল্লী বিজেপিৰ আইনী কোষৰ গুৰু দায়িত্বত বাঞ্চুৰী স্বৰাজ
শিশুটোক ততাতৈয়াকৈ উদ্ধাৰ কৰি চিকিৎসালয়লৈ প্রেৰণ কৰা হয়। দুৰ্ঘটনাত নিহত হোৱা দম্পতীহালৰ লগতে শিশুটোৰ কোনো পৰিচয় এতিয়ালৈ লাভ কৰিব পৰা হোৱা নাই।
ইপিনে, দুৰ্ঘটনাটো সংঘটিত হোৱাৰ পিছতে বাহনখনত জুই লাগে। ঘটনাৰ পিছতে খৱৰ পাই আৰক্ষী আৰু অগ্নিনিৰ্বাপক বাহিনী দুৰ্ঘটনাস্থলীত উপস্থিত হয় আৰু বাহনখনৰ জুই নিয়ন্ত্ৰণ কৰে।
