ৰঙিয়াৰ ওচৰত ৩১ নং ঘাইপথৰ মৰাণজানাত আজি সংঘটিত এটা পথ দুৰ্ঘটনাত থিতাতে নিহত হৈছে দুজনকৈ লোক। ঘটনাটো দেখা পোৱা লোকৰ ভাষ্যমতে, বিপৰীত দিশৰ পৰা আহি থকা এখন এ চি ভেনত পিছফালৰ পৰা আহি থকা এখন আল্ট্ৰা গাড়ীয়ে পিছৰ পৰা প্ৰচণ্ড জোৰে খুন্দা মাৰে।
আল্ট্ৰাখনৰ খুন্দা ইমান শক্তিশালী আছিল যে এ চি ভেনখন ডিভাইডাৰৰ ওপৰেৰে উফৰি গৈ সিটো পথেৰে বিপৰীত দিশৰ পৰা আহি থকা স্কুটিখনত সন্মুখৰ পৰা খুন্দা মাৰি সম্পূৰ্ণ উল্টা হৈ পৰে।
দুৰ্ঘটনাটোত স্কুটিৰ আৰোহী যুৱতীগৰাকীৰ লগতে এ চি ভেনখনৰ চালকজনৰো থিতাতে মৃত্যু হয়। স্কুটি আৰোহী যুৱতীগৰাকীৰ নাম মৃদুস্মিতা শৰ্মা। আৰু এ চি ভেনখনৰ নিহত চালকজনৰ নাম নচিব আলী।
ইপিনে গুৰুতৰভাৱে আহত হৈছে স্কুটিখনৰ চালক বংকিম শৰ্মা। সংকটজনক অৱস্থাত তেওঁক হাস্পতালত ভৰ্তি কৰোৱা হয়। দুৰ্ঘটনাগ্ৰস্ত স্কুটীখনৰ নম্বৰ হ’ল AS 01 AL 0529
