আগ্ৰাৰ ভগৱান টকিজস্থিত এখন চিকিৎসালয়ত ক’ৰ’নাত আক্ৰান্ত দুগৰাকী মহিলাৰ মৃত্যু হৈছে। জিলা প্ৰশাসনৰ নিৰ্দেশত স্বাস্থ্য বিভাগৰ এটা দলে দুয়োগৰাকী মহিলাৰে অন্তেষ্ট্যিক্ৰিয়া আগৰাতে সম্পন্ন কৰে।
শিকোৰাবাদৰ ৬০ বছৰীয়া মহিলাগৰাকীৰ কেন্সাৰৰ লগতে কিডনিৰো সমস্যা আছিল। মহিলাগৰাকীৰ দেওবাৰে কিডনী বিকল হৈ পৰাত মৃত্যু হয়।
জিলা চিকিৎসালয়ে মহিলাগৰাকীৰ নমুনা পৰীক্ষাৰ বাবে কেজিএময়ুলৈ পঠিয়াইছিল আৰু সোমবাৰে ৰিপ’ৰ্টত ক’ৰ’না পজিটিভ পায়।
ইফালে কমালগঞ্জৰ ফৰ্খবাদৰ ৪৮ বছৰীয়া মহিলা এগৰাকীৰো সোমবাৰে দুপৰীয়া ১ বজাত ব্ৰেইন হেমৰেজ হোৱাৰ ফলত মৃত্যু হয়। এই মহিলাগৰাকীৰো নমুনা দেওবাৰে পৰীক্ষাৰ বাবে প্ৰেৰণ কৰা হৈছিল আৰু সোমবাৰে ক’ৰ’নাত আক্ৰান্ত হোৱা বুলি পজিটিভ ৰিপ’ৰ্ট আহে।
এই সন্দৰ্ভত জিলা বিষয়া প্ৰভু এন সিঙে কয় যে মৃত্যু হোৱা দুয়োগৰাকী মহিলাই ক’ৰ’নাত আক্ৰন্ত হৈছিল।
জিলা প্ৰশাসনে দুয়োগৰাকী মহিলাৰে সম্পূৰ্ণ ৰীতি-নীতিৰে অন্তেষ্ট্যিক্ৰিয়া সম্পন্ন কৰে।
উল্লেখ্য যে ইয়াৰ পূৰ্বে কমলা নগৰৰ ৭২ বছৰীয়া মনোৰমা দেবী নামৰ এগৰাকী মহিলাৰ ক’ৰ’নাত মৃত্যু হৈছিল।
