সমগ্ৰ অসম জুৰি চলিছে আৰক্ষীৰ ড্ৰাগছ বিৰোধী অভিযান ।
ইয়াৰ মাজতে যোৱা নিশা দুধনৈ চহৰৰ বিভিন্ন স্থানত অভিযান চলাই গ্ৰেপ্তাৰ কৰে দুই ড্ৰাগছ সৰবৰাহকাৰী সহ নগদ ধন আৰু ড্ৰাগছ ।
দুধনৈ আৰক্ষী থানাৰ ভাৰপ্ৰাপ্ত বিষয়া মুকুট কাকতিৰ নেতৃত্বত চলিছিল ড্ৰাগছ বিৰোধী অভিযান।অভিযানত দুধনৈৰ -ধনজিৎ ব্ৰহ্ম আৰু ৰাজু ভদ্ৰা নামৰ দুজন ড্ৰাগছ সৰবৰাহকাৰীক গ্ৰেপ্তাৰ কৰিবলৈ সক্ষম হয় ।
দুয়োজনক গ্ৰেপ্তাৰ কৰাৰ লগতে নগদ ৭,৫০০ /- টকা, ১৪.১৫ গ্ৰাম নিষিদ্ধ ড্ৰাগছ, ছিৰিঞ্জ আদি উদ্ধাৰ কৰে ।গ্ৰেপ্তাৰ হোৱা দুয়োজন যুৱকে ড্ৰাগছ আসক্ত বুলিও আৰক্ষীয়ে জানিবলৈ দিয়ে ।
দুধনৈ থানাত 63/21 U/S 21 (B)/29NDPS Act. নম্বৰত অনুসৰি গোচৰ পঞ্জীয়ন কৰা হয় ।
