ক’ৰ’না ভাইৰাছৰ সংহাৰে বিশ্বৰ অৰ্থনীতিত বেয়াকৈ প্ৰভাৱ পৰাৰ লগতে ইতিমধ্যে লাখ লাখ যুৱক-যুৱতীয়ে কৰ্ম সংস্থাপন হেৰুৱাইছে।
মহামাৰী ভাইৰাছবিধৰ বাবে কাম-কাজ স্থবিৰ হৈ পৰাত কোম্পানি সমূহে কিছু সংখ্যক শ্ৰমিকক চাকৰিৰ পৰা উলিয়াই দিয়াৰ লগতে কিছু সংখ্যকৰ দৰমহা কৰ্তন কৰিছে।
এই সংকটৰ সময়তে অনলাইন কেব চাৰ্ভিচ প্ৰদানকাৰী সংস্থা উবেৰে নিজৰ ১৪ শতাংশ অৰ্থাৎ ৩৭০০ কৰ্মচাৰীক চাকৰিৰ পৰা উলিয়াই দিয়ে।
উবেৰে এই কৰ্মচাৰী সকলক এটা ভিডিঅ’ কলৰ জৰিয়তে ক’ভিড-১৯ মহামাৰী এক বৃহৎ প্ৰত্যাহ্বান বুলি মন্তব্য কৰে। ইয়াৰ পৰা হাত সাৰিবৰ বাবেই উবেৰে এই কৰ্মচাৰীসকলক চাকৰিৰ পৰা উলিয়াই দিয়ে।
ডেলী মিলৰ এটা ৰিপ’ৰ্টৰ মতে উবেৰ গ্ৰাহক সেৱাৰ প্ৰমুখ ৰাফেল চৌৱলাই এই কৰ্মচাৰীসকলক উলিয়াই দিয়াৰ ঘোষণা কৰে।
কৰ্মচাৰী সকলৰ সৈতে তিনি মিনিটৰো অধিক সময় ভিডিঅ’ কলৰ জৰিয়তে কথা পাতে আৰু তেওঁলোকে উবেৰক দিয়া অৱদানৰ বাবে ধন্যবাদ জ্ঞাপন কৰে।
ইফালে উবেৰৰ এই সিদ্ধান্তক বহু লোকে সমালোচনা কৰি কয় যে কোম্পানিয়ে প্ৰথমে জাননী প্ৰদান কৰিব লাগিছিল। হঠাৎ ভিডিঅ’ কল কৰি ৩৭০০ কৰ্মচাৰীক কামৰ পৰা বাহিৰ কৰি দিয়া উচিত নহয়
