২০২০ চনৰ দিল্লী দাঙ্গাৰ অভিযুক্ত মানৱ অধিকাৰ কৰ্মী উমৰ খালিদে ২০২৫ চনৰ ২ ছেপ্টেম্বৰত দিল্লী উচ্চ ন্যায়ালয়ে তেওঁৰ জামিন আবেদন নাকচ কৰাৰ পিছত উচ্চতম ন্যায়ালয়ৰ কাষ চাপিচে মানৱঅধিকাৰ কৰ্মী উমৰ খালিদ। তেওঁ যুক্তি আগবঢ়াইছে যে উচ্চ ন্যায়ালয়ে তেওঁক ভুলকৈ জামিন অস্বীকাৰ কৰিছে। তেওঁ দাবী কৰে যে ৫০ জনতকৈ অধিক লোকৰ মৃত্যু আৰু সা-সম্পত্তিৰ ক্ষতিসাধন হোৱা দাঙ্গাৰ সৈতে তেওঁক জড়িত কৰা কোনো সুনিৰ্দিষ্ট প্ৰমাণ নাই। নাগৰিকত্ব সংশোধনী আইন চমুকৈ CAA আৰু ৰাষ্ট্ৰীয় নাগৰিকপঞ্জীৰ বিৰুদ্ধে প্ৰতিবাদৰ সময়ত সংঘটিত হৈছিল এই দাঙ্গা।
দিল্লী উচ্চ ন্যায়ালয়ে শ্বাৰ্জিল ইমামকে ধৰি আন আঠজন লোকক জামিন দিবলৈও অস্বীকাৰ কৰি দাঙ্গাত তেওঁলোকক অভিযোগ কৰা ভূমিকা গুৰুতৰ বুলি মত পোষণ কৰিছে। আদালতে কয় যে খালিদ আৰু ইমামে সাম্প্ৰদায়িক উত্তেজনা জগাই তোলা ভাষণ দিছিল আৰু তেওঁলোকৰ এই কাৰ্যক এক সুপৰিকল্পিত ষড়যন্ত্ৰৰ অংশ আছিল বুলি উল্লেখ কৰিছে। বিচাৰ চলি আছে আৰু অভিযোগ গুৰুতৰ হোৱাৰ বাবে এতিয়া তেওঁলোকক মুকলি কৰি দিয়াটো উপযুক্ত নহ’ব বুলি আদালতে মত পোষাণ কৰিছে ।
দিল্লী উচ্চ ন্যায়ালয়ে জামিন নাকচ কৰাৰ পিছত এতিয়া, প্ৰায় পাঁচ বছৰ কাৰাগাৰত থকা খালিদে উচ্চ ন্যায়ালয়ৰ সিদ্ধান্তক প্ৰত্যাহ্বান জনাই উচ্চতম ন্যায়ালয়ৰ দ্বাৰস্থ হৈছে।
