অভিনেত্ৰী প্ৰিয়ংকা চোপ্ৰাই ইজৰাইল-হামাছৰ যুদ্ধ বন্ধ কৰিবলৈ আহ্বান জনাইছে। ৰাষ্ট্ৰসংঘৰ প্ৰতিনিধি হিচাপে তেওঁ যুদ্ধবিৰতিৰ আহ্বান জনায়। ইনষ্টাগ্ৰাম ষ্ট’ৰীজত প্ৰিয়ংকাই এটা পোষ্টত ইউনিচেফৰ কাৰ্যবাহী সঞ্চালিকা কেথ্ৰিন ৰাছেলৰ উক্তি শ্বেয়াৰ কৰে। য’ত লিখা আছে, “শিশুসকলক মানৱীয় যুদ্ধবিৰতিৰ প্ৰয়োজন।”
যুদ্ধৰ দুয়োপক্ষৰ মাজত সংঘটিত হোৱা সংঘৰ্ষত আৱদ্ধ হৈ পৰা পেলেষ্টাইনী শিশুসকলৰ সমৰ্থনত সোমবাৰে প্ৰিয়ংকাই এই বিশেষ বাৰ্তা প্ৰদান কৰে। এই ৰক্তাক্ত যুদ্ধৰ অন্ত পেলাবলৈ অনুৰোধ কৰা তেওঁৰ ইনষ্টাগ্ৰাম ষ্ট’ৰীটো অতি কম সময়ৰ ভিতৰতে ভাইৰেল হৈ পৰে।
লগতে পঢ়কঃ চীনৰ গ্ৰাম্য অঞ্চলত এইডছ মহামাৰীৰ ঘটনা পোহৰলৈ অনা ডাঃ গাও ইয়াওজিৰ ৯৫ বছৰত মৃত্যু
বিগত এমাহত ইজৰাইল আৰু হামাছে ইটোৱে সিটোৰ ওপৰত বোমাবৰ্ষণ কৰাৰ ফলত হাজাৰ হাজাৰ শিশুৰ মৃত্যু হৈছে। ধ্বংসাৱশেষৰ তলত পোত খাই পৰিছে। কেইবাখনো দেশৰ লগতে ৰাষ্ট্ৰসংঘইও ইয়াক লৈ উদ্বেগ প্ৰকাশ কৰিছে।
ৰিচাৰ্ড গেৰ, হাছান মিনহাজ, গিগি আৰু বেলা হাদিদৰ দৰে বহু চেলিব্ৰিটিয়ে শেহতীয়াকৈ যুদ্ধবিৰতিৰ আহ্বান জনাই এক মিছিলত যোগদান কৰিছে। এইবাৰ প্ৰিয়ংকাইও তাত যোগ দিলে।
লগতে পঢ়কঃ পত্নীৰ কথা মানি চলা পুৰুষৰ বেমাৰত পৰাৰ সম্ভাৱনা কম; কোৱা হৈছে গৱেষণাত
এতিয়া এই চেলিব্ৰিটিৰ আবেদনত সঁহাৰি জনাই ইজৰাইল-হামাছৰ যুদ্ধবিৰতিৰ ক্ষেত্ৰত আমেৰিকাৰ ৰাষ্ট্ৰপতি জো বাইডেনে কিবা পদক্ষেপ গ্ৰহণ কৰে নেকি সেয়া লক্ষ্যণীয় হ’ব।
