কেন্দ্ৰীয় বিত্ত মন্ত্ৰী নিৰ্মলা সীতাৰমণে আজি লোকসভাত ২০২০-২১ বৰ্ষৰ বিত্তীয় বাজেট দাখিল কৰে।
বাজেট দাখিল কৰি বিত্ত মন্ত্ৰীয়ে দেশৰ শিক্ষা খণ্ডৰ বাবে ২০২০-২১ বৰ্ষত মুঠ ৯৯,৩০০ কোটি টকা ধাৰ্য্য কৰা বুলি ঘোষণা কৰে।
সীতাৰমণে লোকসভাত চৰকাৰে শীঘ্ৰেই নতুন শিক্ষা নীতি মুকলি কৰিব বুলিও ঘোষণা কৰে।
আনহাতে, বিত্ত মন্ত্ৰীগৰাকীয়ে জিলা চিকিৎসালয় সমূহক চিকিৎসা মহাবিদ্যালয়লৈ উন্নীত কৰাৰ বাবেও চৰকাৰে পৰিকল্পনা গ্ৰহণ কৰিছে বুলি কয়।
বাজেট ২০২০-২১ত শিক্ষাখণ্ডক লৈ কৰা কেইটামান ঘোষণা-
- শিক্ষা খণ্ডলৈ ৯৯,৩০০ কোটি টকা
- অনলাইন স্নাতক স্তৰৰ পাঠ্যক্ৰমৰ প্ৰচাৰ
- ১৫০ খন উচ্চ শিক্ষা কেন্দ্ৰত উদ্যমিতাৰ ডিগ্ৰীৰ ব্যৱস্থা
- ৰাষ্ট্ৰীয় ফৰেণছিক চায়েন্স বিশ্ববিদ্যালয় স্থাপন
- ৰাষ্ট্ৰীয় আৰক্ষী বিশ্ববিদ্যালয়ৰ প্ৰস্তাৱ
- নতুন অভিযন্তা সকললৈ ইণ্টাৰ্ণশ্বিপৰ সুবিধাৰ প্ৰস্তাৱ
- চিকিৎসকৰ অভাৱ হ্ৰাসৰ বাবে প্ৰতিখন জিলাত চিকিৎসা মহাবিদ্যালয় স্থাপন কৰাৰ প্ৰস্তাৱ।
- স্কিল ইণ্ডিয়াৰ বাবে ৩০০০ কোটি টকা ইত্যাদি।
