কেন্দ্ৰীয় পথ পৰিবহণ আৰু ঘাইপথ বিভাগৰ মন্ত্ৰী নীতিন গাডকাৰী শিলিগুৰিত এক অনুষ্ঠানত অংশ গ্ৰহণ কৰি অসুস্থ হৈ পৰিছে। মন্ত্ৰীগৰাকীয়ে চাৰিলেনযুক্ত পথ এটাৰ আধাৰশিলা স্থাপন কৰিবলৈ আহিছিল।
বালাচানৰ পৰা চেৱাক কেণ্টনমেণ্টলৈ চাৰিলেন পথৰ আধাৰশিলা অনুষ্ঠানলৈ আহিছিল গাডকাৰী। তেওঁ সেই পথটোৰ আধাৰশিলা স্থাপন অনুষ্ঠানলৈ অহাৰ সময়তে হঠাতে অসুস্থ হৈ পৰে।
সূত্ৰ অনুসৰি, মুখ্যমন্ত্ৰী মমতা বেনাৰ্জীয়ে গাডকাৰীৰ অসুস্থতাৰ বিষয়ে খৱৰ লয়। তেওঁ শিলিগুৰিৰ আৰক্ষী অধীক্ষকক তেওঁৰ চিকিৎসাৰ বাবে সকলো ব্যৱস্থা কৰিবলৈ নিৰ্দেশ দিছে।
লগতে পঢ়ক: শোণিতপুৰত নাবালিকাক ধৰ্ষণৰ চেষ্টা চলাই হত্যা কৰাৰ অভিযোগত এজনক গ্ৰেপ্তাৰ
জানিব পৰা গৈছে যে অনুষ্ঠানটোত কথা কোৱাৰ সময়ত তেওঁ অস্বস্তি অনুভৱ কৰিবলৈ আৰম্ভ কৰিছিল। তেওঁক লগে লগে মঞ্চৰ পৰা উলিয়াই গ্ৰীণৰুমলৈ নিয়া হয়। প্ৰাথমিক চিকিৎসা প্ৰদানৰ পিছত তেওঁক স্থানীয় সাংসদ ৰাজু বিস্তাৰৰ ঘৰলৈ লৈ যোৱা হৈছে।
ধাৰণা কৰা হৈছে যে ছুগাৰ লেভেল হ্ৰাস পাই যোৱাৰ বাবেই নীতিন গাডকাৰী অসুস্থ হৈ পৰিছে। সূত্ৰ সমূহৰ মতে, তেওঁৰ দিনটোৰ আন সকলো কাৰ্যসূচী বাতিল কৰি তেওঁক দিল্লীলৈ ওভতাই নিয়া হ’ব।
শিলিগুৰিৰ বিশেষজ্ঞ চিকিৎসকসকলে বৰ্তমান তেওঁক পৰ্যবেক্ষণত ৰাখিছে। তেওঁলোকেই গাডকাৰীৰ চিকিৎসা কৰিছে।
লগতে পঢ়ক: চিকিৎসালয়ৰ মৰ্গত থকা মহিলাৰ মৃতদেহৰ পৰ চকু উলিয়াই নিবলৈ চেষ্টা কৰাৰ অভিযোগ; তীব্ৰ চাঞ্চল্য
নীতিন গাডকাৰী বৃহস্পতিবাৰে পুৱা প্ৰায় ১১ বজাত শিলিগুৰিত আহি উপস্থিত হৈছিল। দাৰ্জিলিং চাৰিআলিৰ ওচৰৰ দাগাপুৰ খেলপথাৰত তেওঁৰ এখন ৰাজহুৱা সভা আছিল। বালাচানৰ পৰা সেৱক কেণ্টনমেণ্টলৈ চাৰি লেনৰ পথটো ১,০০০ কোটি টকা ব্যয়েৰে নিৰ্মাণ কৰা হ’ব। ইয়াৰেই আধাৰশিলা স্থাপন অনুষ্ঠানলৈ আহিছিল কেন্দ্ৰীয় পথ পৰিবহণ মন্ত্ৰী নীতিন গাডকাৰী।
