শেহতীয়াকৈ নিয়ন্ত্ৰক আৰু মহানিৰীক্ষক (CAG)ৰ এক প্ৰতিবেদনত পোহৰলৈ আহিছে গুজৰাটৰ শ্ৰমিক কল্যাণ ব’ৰ্ডৰ বৃ্হৎ অনিয়ম। শ্ৰমিক আৰু নিয়োগকৰ্তা অন্তৰ্ভুক্ত হ’বলগীয়া বিল্ডিং এণ্ড অদাৰ কনষ্ট্ৰাকচন ৱৰ্কাৰছ (বি অ’ চি ডব্লিউ) ৱেলফেয়াৰ ব’ৰ্ডত ২০১৭ চনৰ পৰাই সংঘটিত হৈ আহিছে অনিয়ম। পাঁচ বছৰ ধৰি মাত্ৰ এজন চৰকাৰী বিষয়াই পৰিচালনা কৰি আহিছে, আৰু ইয়াৰ কৰ্মচাৰীৰ ৭২% পদ খালী আছে। নিয়মৰ পৰামৰ্শ দিবলগীয়া ব’ৰ্ডৰ বিশেষজ্ঞ গোটটোৱেও ২০১১ চনৰ পৰা বৈঠকত মিলিত হোৱা নাই।
উল্লেখ্য যে এই দায়িত্বত থকা লোকৰ অভাৱে কল্যাণ ব্যৱস্থাৰ বাবে বৃহৎ ধনৰ সমস্যাৰ সৃষ্টি কৰিছে। ২০০৬ চনৰ পৰা চৰকাৰে নিৰ্মাণ কামৰ বিশেষ কৰৰ পৰা ৪,৭৮৭.৬ কোটি টকা সংগ্ৰহ কৰিছে। কিন্তু এই ধনৰ ৪৭% অৰ্থাৎ প্ৰায় ২,২৪৩ কোটি টকা এতিয়াও চৰকাৰী একাউণ্টত অব্যৱহৃত হৈ আছে। শ্ৰমিকৰ বাবে কোনো উপযুক্ত পুঁজি স্থাপন কৰা হোৱা নাছিল আৰু সেই ধনৰ বহুখিনি আন কামত ব্যৱহাৰ কৰা হৈছিল। মুঠ ধনৰ মাত্ৰ আধাহে ব’ৰ্ডে লাভ কৰিছিল।
কৰ্মচাৰীৰ অভাৱৰ বাবে প্ৰাৰ্থমিক কাম-কাজতো আঘাত হানিছে। ৪২% পৰিদৰ্শকৰ নাটনিৰ বাবে বহু অঞ্চলত নিয়ম বলবৎ কৰিবলৈ বিষয়াৰ অভাৱ। ২০১৭ চনৰ পৰা ২০২২ চনলৈ গুজৰাটত বিল্ডিং ছাইটৰ সংখ্যা ছয়গুণ বৃদ্ধি পোৱাৰ সময়তো এনে হৈছিল জাৰ বাবে পৰ্যাপ্ত ৰূপত শ্ৰমিক সুৰক্ষা আৰু প্ৰয়োজনীয় সহায় কৰাত ব্যৰ্থ হৈ গুজৰাত চৰকাৰ।
