এলাহাবাদ উচ্চ ন্যায়ালয়ে মঙলবাৰে লখিমপুৰ খেৰী ঘটনাত কেন্দ্ৰীয় মন্ত্ৰী অজয় মিশ্ৰৰ পুত্ৰ আশীষ মিশ্ৰৰ জামিন আবেদনৰ ওপৰত পূৰ্বৰ আদেশ বাহাল ৰাখে।
লক্ষ্ণৌ বিচাৰপীঠে ভিডিঅ’ কনফাৰেন্সৰ জৰিয়তে শুনানি সমাপ্ত কৰাৰ পিছত মিশ্ৰৰ আবেদনৰ ওপৰত আদেশ বাহাল ৰাখিছিল।
মিশ্ৰৰ হৈ উপস্থিত থকা অধিবক্তাই আদালতক কয় যে আশীষ মিশ্ৰ নিৰ্দোষী আছিল আৰু কৃষকক মহতীয়াই নিয়াৰ ক্ষেত্ৰত মিশ্ৰই উদগনি যোগোৱা কোনো প্ৰমাণ নাই।
আৱেদনখনৰ বিৰোধিতা কৰি অতিৰিক্ত এডভোকেট জেনেৰেল ভি কে শ্বাহীয়ে কয় যে প্ৰতিবাদী কৃষকক মহতীয়াই নিয়াৰ সময়ত আশীষ মিশ্ৰ গাড়ীখনত আছিল।
ন্যায়াধীশ ৰাজীৱ সিঙ নেতৃত্বাধীন বিচাৰপীঠে শুনানিৰ অন্তত আদালতৰ পূৰ্বৰ আদেশ বাহাল ৰাখে।
উল্লেখ্য যে২০২১ চনৰ ৩ অক্টোবৰত উত্তৰ প্ৰদেশৰ উপ মুখ্যমন্ত্ৰী কেশৱ প্ৰসাদ মৌৰ্য আৰু কেন্দ্ৰীয় গৃহ ৰাজ্য মন্ত্ৰী অজয় মিশ্ৰৰ খেৰী ভ্ৰমণৰ বিৰুদ্ধে কৃষকসকলে প্ৰতিবাদ গঢ়ি তুলিছিল।
মন্ত্ৰীৰ কনভয়ে প্ৰতিবাদী কৃষকসলক মহতীয়াই নিয়াৰ ফলত চাৰিজন কৃষকৰ মৃত্যু হৈছিল। ইয়াৰ পাছতে হিংসাত্মক ৰূপ ধাৰণ কৰা খেৰী কাণ্ডত আন চাৰিজন লোকৰ মৃত্যু হৈছিল।
কেন্দ্ৰীয় গৃহ ৰাজ্য মন্ত্ৰী অজয় মিশ্ৰৰ পুত্ৰ আশীষ মিশ্ৰক এই হত্যাকাণ্ডৰ অন্যতম অভিযুক্ত হিচাপে চিনাক্ত কৰা হৈছিল।
