ধনৰ বিনিময়ত পাক আই এছ আইক সেনাৰ গোপন তথ্য সৰবৰাহ! গ্ৰেপ্তাৰ হ’ল এক যুৱক
পাকিস্তানৰ চোৰাংচোৱা সংস্থা আই এছ আইৰ চোৰাংচোৱাগিৰিৰ অভিযোগত উত্তৰ প্ৰদেশৰ এজন যুৱকক গ্ৰেপ্তাৰ কৰিছে এণ্টি টেৰৰিষ্ট স্কোৱাডে। চোৰাংচোৱা সূত্ৰৰ মতে, যুৱকজনে বৃহৎ ধনৰ বিনিময়ত ভাৰতীয় সেনাৰ গুৰুত্বপূৰ্ণ তথ্য পাকিস্তানলৈ সৰবৰাহ কৰিছিল। জেৰাৰ সময়ত অভিযুক্তই চোৰাংচোৱাগিৰি কৰা বুলি স্বীকাৰ কৰে।
এ টি এছৰ সূত্ৰ অনুসৰি অভিযুক্ত যুৱকজনৰ নাম মহম্মদ ৰায়ছ। উত্তৰ প্ৰদেশৰ গোণ্ডা জিলাৰ তাৰাবগঞ্জ অঞ্চলৰ বাসিন্দা তেওঁ। আৰক্ষীৰ জেৰাত ৰায়েছে কয় যে তেওঁ কাম বিচাৰি মুম্বাইলৈ গৈছিল। তাতে তেওঁ অৰমান নামৰ এজন যুৱকেৰে সাক্ষাৎ হয়। অভিযুক্ত ৰায়েছে আৰমানক সংযুক্ত আৰব আমিৰশ্বাহীত কাম বিচাৰিবলৈ আব্দাৰ কৰে। সেই সুযোগতে আৰমানে বৃহৎ পৰিমাণৰ ধনৰ বিনিময়ত ৰায়ছক এই চৌৰ্যবৃত্তিৰ প্ৰলোভন দেখুৱায়। ইয়াৰ পিছতে মহম্মদ ৰায়ছে আই এছ আইক সেনাৰ গোপন তথ্য যোগান ধৰিবলৈ আঅৰম্ভ কৰে।
ইফালে পাক চোৰাংচোৱাই ৰায়ছক ফোন কৰি ভাৰতীয় সামৰিক ঘাটিৰ বিষয়ে তথ্য বিচাৰিছিল, প্ৰতিটো তথ্য সৰবৰাহৰ বিনিময়ত আই এছ আই-এ ৰায়ছলৈ ১৫ হাজাৰ টকা প্ৰেৰণ কৰা বুলি প্ৰকাশ কৰিছে।
এই ঘটনা পোহৰলৈ অহাৰ পাছতে উত্তৰ প্ৰদেশৰ এ টি এছে যুৱক-যুৱতীসকলৰ ওপৰত চকু ৰাখিবলৈ ধৰিছে। এ টি এৰ এটা দলে ধৃত মহম্মদ ৰায়ছক আটক কৰি মাৰাথান জেৰাৰ অন্তত গ্ৰেপ্তাৰ কৰে। উত্তৰ প্ৰদেশৰ ডি জি (আইন আৰু শৃংখলা) প্ৰশান্ত কুমাৰে এই সমগ্ৰ বিষয়টো সংবাদ মাধ্যমৰ আগত নিশ্চিত কৰিছে।