বিৰাট কোহলী মোৰ জীৱনৰ প্ৰেৰণা বুলি জনালে কেন্দ্ৰীয় লোকসেৱা আয়োগৰ পৰীক্ষাত শীৰ্ষস্থানপ্ৰাপ্ত ডুনুৰু অনন্যা ৰেড্ডীয়ে। শেহতীয়াকৈ সৰ্বভাৰতীয় পৰ্যায়ৰ অসামৰিক সেৱাৰ পৰীক্ষাৰ ফলাফল প্ৰকাশ পাইছে। সেই পৰীক্ষাৰ প্ৰথম প্ৰচেষ্টাতে শীৰ্ষস্থাপ্ৰাপ্তসকলৰ ভিতৰত আছে ২২ বছৰীয়া অনন্যা।
জীৱনৰ মূল্যবোধ, জীৱনৰ দৰ্শন সকলো যে দাৰ্শনিকসকলৰ পৰাই পোৱা যায়, সেয়া নহয়। চূড়ান্ত সাক্ষাৎকাৰত এই কথাই কৈছিল তেলেংগানাৰ এই প্ৰতিভাৱান ছাত্ৰীগৰাকীয়ে।
লগতে পঢ়কঃ প্ৰথম পৰ্যায়ৰ প্ৰচাৰ শেষ; সাতটা পৰ্যায়ৰ লোকসভা নিৰ্বাচনৰ শুকুৰবাৰে ১০২টা সমষ্টিত হ’ব ভোটগ্ৰহণ
জ্যেষ্ঠ তীক্ষ্ণ-অভিজ্ঞ বিষয়াসকলৰ সন্মুখত নিঃসংকোচে অনন্যই কয়, “বিৰাট কোহলী কেৱল মোৰ প্ৰিয় ক্ৰিকেটাৰেই নহয়, কোহলী মোৰ জীৱনৰ আটাইতকৈ ডাঙৰ প্ৰেৰণা। তেওঁ যি ধৰণে কাম কৰে, তেওঁৰ অদম্য প্ৰচেষ্টাৰ ফল পায়। মইও তেওঁৰ পথ অনুসৰণ কৰিবলৈ চেষ্টা কৰোঁ। এটা কথা মানো, কঠোৰ পৰিশ্ৰমৰ ফল অথলে যাব নোৱাৰে। আজি আপুনি বিফল হ’ব পাৰে, কিন্তু একে প্ৰচেষ্টাৰে আগবাঢ়ি গ’লে এদিন আপুনি চেম্পিয়নেই হ’ব। এয়া মোৰ জীৱন মন্ত্ৰ। কোহলীৰ পৰাই এই সকলোবোৰ শিকিছো।”
অনন্যা সৰুৰে পৰা অত্যন্ত মেধাৱী। স্কুল পৰ্যায়ৰ পৰীক্ষাত কেতিয়াও দ্বিতীয় হোৱা নাছিল। আটাইতকৈ ডাঙৰ কথাটো হ’ল অনন্যাই ঘড়ী কাষত লৈ পঢ়া নাই, কিন্তু যেতিয়াই মন যায়, তেতিয়াই কিতাপ এখন লৈ বহি থাকে। তেওঁ ভাবে যে প্ৰযুক্তিৰ সহায়তো লবই লাগিব, কিন্তু এইটোও ঠিক কিতাপৰ পঢ়াশুনাতোহে গুৰুত্বপূৰ্ণ। জানিবৰ বাবে কিতাপ পঢ়িব লাগিব।
লগতে পঢ়কঃ IPL 2024: দিল্লীৰ সন্মুখত অসহায় আত্মসমৰ্পণ গুজৰাটৰ! আহমেদাবাদত টাইটানছৰ বিৰুদ্ধে সহজ জয় কেপিটেলছৰ
পঢ়া-শুনা ভাল পোৱাৰ দৰে তেওঁ ক্ৰিকেটৰো অনুৰাগী। সময় পালেই টিভিত খেল চায়। এটা ইচ্ছা খেলপথাৰত গৈ কোহলীৰ খেল চাব। সেইবাবেই বাংগালুৰুত চাকৰিৰ সুযোগ আহিলে তালৈ যাবলৈ এবাৰো নাভাবে। গেলেৰীত বহি বিৰাটৰ খেল চোৱাৰ সপোন পূৰণ কৰিব বিচাৰে কৃতি আই এ এছ গৰাকীয়ে।
