ডোনাল্ড ট্ৰাম্পে নিলম্বন কৰিলে H1-B ভিছা; সংকটত ভাৰতীয় আই টি প্ৰফেশ্যনেলছ!

আমেৰিকাৰ ৰাষ্ট্ৰপতি ডোনাল্ড ট্ৰাম্পে H1-B ভিছা নিলম্বন কৰাৰ কথা ঘোষণা কৰিছে। ইয়াৰ ফলত ভাৰতীয়কে ধৰি বিশ্বৰ আই টি প্ৰফেশ্যনেলছসকল সংকটৰ সন্মুখীন হোৱাৰ সম্ভাৱনা দেখা দিছে।

চলিত বছৰৰ শেষলৈকে এই নিলম্বন বাহাল থাকিব।

আমেৰিকান প্ৰশাসনৰ মতে দেশখনৰ শ্ৰমিকসকলৰ হিতৰ বাবে এই সিদ্ধান্ত গ্ৰহণ কৰা হৈছে।

সোমবাৰে ডোনাল্ড ট্ৰাম্পে কয় যে যিসকল আমেৰিকানে সাম্প্ৰতিক আৰ্থিক সংকটৰ বাবেচাকৰি হেৰুৱাইছে তেওঁলোকক সহায় কৰাৰ বাবে এই পদক্ষেপৰ প্ৰয়োজন আছিল।

বিভিন্ন ব্যৱসায়িক সংস্থা, আইনজ্ঞ তথা মানৱাধিকাৰ সংস্থাসমূহৰ দ্বাৰা বিৰোধিতাকো আওকান কৰি ট্ৰাম্পে অহা নৱেম্বৰত হ’বলগীয়া ৰাষ্ট্ৰপতি নিৰ্বাচনৰ পূৰ্বে এই ঘোষণা কৰে।

অহা ২৪ জুনৰ পৰা এই নিলম্বন প্ৰযোজ্য হ’ব। ইয়াৰ দ্বাৰা বৃহৎ সংখ্যক ভাৰতীয় আই টি প্ৰফেশ্যনেলছ ক্ষতিগ্ৰস্ত হোৱাৰ সম্ভাৱনা আছে।

চলিত বছৰটোৰ শেষলৈকে এই বৃত্তিধাৰীসকলে অপেক্ষা কৰিব লাগিব। আনহাতে, H1-B ভিছা নবীকৰণ কৰিব বিচৰা বৃহৎ সংখ্যক ভাৰতীয় বৃত্তিধাৰীৰ বাবে ই সংকট কঢ়িয়াই আনিছে।

উল্লেখ্য যে H1-B ভিছা দেশখনত কাম চলাই থকা কোম্পানীসমূহক আমেৰিকাত নাটনি থকা দক্ষ কৰ্মচাৰীক ৰাখিবলৈ দিয়া হয়।

এই বিছাৰ ম্যাদ ছয়বছৰলৈকে থাকে। আমেৰিকান কোম্পানীবোৰৰ চাহিদাৰ বাবে আটাইতকৈ অধিক ভাৰতীয় আই টি প্ৰফেশ্যনেলছে এই ভিছাৰ সুবিধা লাভ কৰি আহিছে।