কিম জং উনৰ স্বাস্থ্য ভালে আছে, উপেক্ষা নকৰিব : ড’নাল্ড ট্ৰাম্প

পুনৰ উত্তৰ কোৰিয়াৰ একনায়কত্ববাদী শাসক কিম জং উন সম্পৰ্কে মন্তব্য আগবঢ়াইছে আমেৰিকাৰ ৰাষ্ট্ৰপতি ড’নাল্ড ট্ৰাম্পে।

উত্তৰ কোৰিয়াৰ শাসক কিম জং উন শেহতীয়াভাৱে অসুস্থ হৈ পৰা বাতৰি সম্পৰ্কত মত ব্যক্ত কৰি ৰাষ্ট্ৰপতি ড’নাল্ড ট্ৰাম্পে কয় যে, কিম জং উনৰ সুস্বাস্থ্য অটুত আছে তেওঁক অবহেলা কৰিব নালাগে।

দক্ষিণ কোৰিয়াৰ এগৰাকী শীৰ্ষস্থানীয় ৰাজনীতিবিদে অলপতে কিম জং উন গুৰুতৰভাৱে অসুস্থ হৈ পৰি কোমাত আছে বুলি উল্লেখ কৰিছিল।

অলপতে সাংবাদিক ব’ব উদৱাৰ্ডৰ এখন কিতাপত আমেৰিকাৰ ৰাষ্ট্ৰপতি ট্ৰাম্প আৰু কিম জং উনৰ সম্পৰ্ক সম্বন্ধে বিস্তৃতভাৱে উল্লেখ কৰাৰ পাছতে ৰাষ্ট্ৰপতি ট্ৰাম্পে এইদৰে মন্তব্য কৰে।

আনহাতে, সাংবাদিক উদৱাৰ্ডে আমেৰিকা নিৰ্বাচনত প্ৰভাৱ বিস্তাৰ কৰাৰ বাবেই ড’নাল্ড ট্ৰাম্পে আমেৰিকাত বৰ্তমান সময়ত ক’ৰ’নাৰ ত্ৰাস হ্ৰাস কৰি ইয়াক সাধাৰণ চৰ্দিলৈ ৰূপান্তৰ কৰাৰ বাবে চেষ্টা চলাই আছে বুলি উল্লেখ কৰিছিল যদিও হোৱাইট হাউচৰ তৰফৰ পৰা এই অভিযোগক খণ্ডন কৰি আমেৰিকাই বিশ্বৰ ভিতৰত সৰ্বাধিক সংখ্যক ক’ৰ’না ভাইৰাছৰ পৰীক্ষা সম্পন্ন কৰিছে বুলি তথ্য দাঙি ধৰে।