কোভিডত আক্ৰান্ত মাৰ্কিন ৰাষ্ট্ৰপতি জো বাইডেন, কৰ্কট ৰোগতো আক্ৰান্ত বুলি নিজেই কৰিছিল ঘোষণা
ছালৰ কৰ্কট ৰোগত আক্ৰান্ত হোৱা বুলি নিজে ঘোষণা কৰাৰ পিছতে কোভিডতো আক্ৰান্ত হ’ল মাৰ্কিন ৰাষ্ট্ৰপতি জো বাইডেন।
আমেৰিকা যুক্তৰাষ্ট্ৰৰ ৰাষ্ট্ৰপতি জো বাইডেন বৃহস্পতিবাৰে কোভিডত আক্ৰান্ত হোৱা বুলি নিষ্চিত কৰা হয়। হোৱাইট হাউচৰ প্ৰেছ চেক্ৰেটেৰী কাৰিন জিন-পিয়েৰে কয় যে বিডেনে কোভিডৰ “মৃদু লক্ষণ” অনুভৱ কৰি আছে আৰু ৰোগটোৰ তীব্ৰতা হ্ৰাস কৰিবলৈ এণ্টিভাইৰেল ঔষধ পেক্সলোভিড গ্ৰহণ কৰা আৰম্ভ কৰিছে।
তেওঁ লগতে কয় যে বিডেনে “হোৱাইট হাউচতে নিজকে আনৰ পৰা পৃথককৰি ৰাখিব আৰু সেই সময়ছোৱাত তেওঁৰ সকলো কৰ্তব্য অকলেই পালন কৰি যাব। তেওঁ ফোনযোগে হোৱাইট হাউচৰ কৰ্মচাৰীৰ সদস্যসকলৰ সৈতে যোগাযোগ কৰি আছে আৰু আজি হোৱাইট হাউচত তেওঁৰ পূৰ্ব নিৰ্ধাৰিত এখন সভাত ফোন আৰু জুমৰ জৰিয়তে অংশগ্ৰহণ কৰে।
৭৯ বছৰীয়া বাইডেনে সম্পূৰ্ণৰূপে টিকা গ্ৰহণ কৰিছিল যদিও তেওঁ কোভিডত আক্ৰান্ত হয়। কিছুদিন পূৰ্বে তেওঁ চৌডি আৰব আৰু ইজৰাইল ভ্ৰমণ কৰিছিল।
তেওঁ ফাইজাৰ ভেকছিনৰ দুটা পালি লোৱাৰ পিছত, প্ৰথম বুষ্টাৰ শ্বট যোৱা বছৰৰ ছেপ্টেম্বৰ মাহত আৰু এটা অতিৰিক্ত পালি চলিত বৰ্ষৰ ৩০ মাৰ্চত গ্ৰহণ কৰিছিল ।
উল্লেখ্য বাইডেনৰ পূৰ্বে মাৰ্কিন উপ ৰাষ্ট্ৰপতি কমলা হেৰিছ, কেবিনেট সদস্য, হোৱাইট হাউচৰ কৰ্মচাৰী আৰু আইন প্ৰণেতা একাংশও কোভিডত সংক্ৰমিত হৈছিল।