দেশদ্ৰোহিতাৰ গোচৰৰ ভয়ত কথা ক’ব নোৱাৰে এইজন বিজেপি বিধায়কে, কোন?
বেছিকৈ কিবা ক’লেই তেওঁৰ ওপৰত দেশদ্ৰোহিতাৰ গোচৰ তৰা হ’ব পাৰে।
এই মন্তব্য প্ৰকাশ কৰিছে উত্তৰ প্ৰদেশৰ এজন বিজেপি বিধায়কে।
২০১৭ চনত ৰাজ্যখনৰ সীতাপুৰ সমষ্টিৰ পৰা প্ৰথমবাৰৰ বাবে বিধায়ক হিচাপে নিৰ্বাচিত হয় ৰাকেশ ৰাঠোৰ।
শেহতীয়াকৈ এক স্থানীয় সংবাদমাধ্যমৰ আগত বিধায়কজনে প্ৰকাশ কৰা মতে, চৰকাৰৰ বিৰুদ্ধে তেওঁ একো ক’ব নোৱাৰে, কাৰণ তেওঁ সকলো সময়তে আতংকিত হৈ থাকে।
“যদি কিবা কওঁ, তেনেহ’লে মোৰ বিৰুদ্ধে দেশদ্ৰোহিতাৰ গোচৰ তৰা হ’ব পাৰে।”- বিধায়কজনে এইদৰে কয়।
On Saturday , @BJP4UP MLA from Sitapur ,Rakesh Rathore,was questioned by reporters over a trauma centre in the district that awaits an ‘inauguration’ for years .his response – ‘have made all efforts ,but if i speak too much sedition charges may be invoked against me’. Do hear … pic.twitter.com/h08FE47bF2
— Alok Pandey (@alok_pandey) May 17, 2021
ইয়াৰ পূৰ্বে তেওঁক সমাজবাদী পাৰ্টিয়ে প্ৰশ্ন কৰিছিল যে তেওঁৰ সমষ্টিত ট্ৰ’মা কেয়াৰ চেণ্টাৰত ইনটেনচিভ কেয়াৰ ইউনিটটো কিয় আৰম্ভ কৰা নাই?
ইয়াৰ উত্তৰস্বৰূপে বিধায়কজনে সংবাদ মাধমক কয় যে তেওঁ যদি বেছি কথা কয়, তেন্তে তেওঁৰ ওপৰত নিজৰ দলৰ চৰকাৰেই দেশদ্ৰোহিতাৰ গোচৰ আৰোপ কৰিব পাৰে।