ম’হৰ খুন্দা! যাত্ৰা আৰম্ভ হোৱাৰ পাঁচদিনতেই ঘটিল অঘটন; গুজৰাটত লাইনচ্যুত বন্দে ভাৰত এক্সপ্ৰেছ
Vande Bharat Express train damaged তীব্ৰ গতিত আহি থকা বন্দে ভাৰত এক্সপ্ৰেছে ম’হৰ জাকটোক খুন্দা মাৰিছিল। ফলস্বৰূপে দ্ৰুত গতিত চলি থকা ৰে’লখনৰ সন্মুখৰ অংশটো ভাঙি পৰিল। বৃহস্পতিবাৰে ৰাতিপুৱা গুজৰাটত ঘটনাটো সংঘটিত হয়।
বাতৰি অনুসৰি ৰে’লখন মুম্বাইৰ পৰা গুজৰাটৰ গান্ধীনগৰলৈ গৈ আছিল। ঘটনাটো আহমেদাবাদৰ আগতে বাটৱা আৰু মণিনগৰ ৰে’ল ষ্টেচনৰ মাজত সংঘটিত হয়।
লগতে পঢ়ক: চৰিত্ৰ ঘুৰি আহিল সাংবাদিকৰ! প্ৰতিবাদৰ চাপত চৰকাৰে প্ৰত্যাহাৰ কৰিলে নিৰ্দেশনা
ৰে’লৱে সূত্ৰৰ মতে ম’হৰ জাকৰ সৈতে সংঘৰ্ষৰ ফলত ৰে’লখনৰ সন্মুখৰ অংশটো সামান্য ক্ষতিগ্ৰস্ত হৈছে। এটা ভিডিঅ’ত এজন ৰে’ল কৰ্মচাৰীক ৰে’লখনৰ সন্মুখৰ ক্ষতিগ্ৰস্ত অংশটো মেৰামতি কৰা দেখা যায়। মেৰামতিৰ পিছত ৰে’লখন নিৰ্ধাৰিত গন্তব্যস্থানলৈকে যায়।
Less than a week after it’s inauguration Vande Bharat train damaged in #Gujarat today morning.
Its just few days Modi inaugurated this train.#GujaratElections2022 pic.twitter.com/kbUGke2DxV
— FinalWarAgainstCorruption (@FWACorruption) October 6, 2022
উল্লেখ্য যে যোৱা মাহত প্ৰধানমন্ত্ৰী নৰেন্দ্ৰ মোদীয়ে গান্ধীনগৰৰ পৰা মুম্বাইলৈ দ্ৰুত গতিৰ ৰে’লখন উদ্বোধন কৰিছিল। ৰে’লখন উদ্বোধন কৰাৰ দিনা তেওঁ গান্ধীনগৰৰ পৰা আহমেদাবাদৰ কালুপুৰ ৰে’ল ষ্টেচনলৈ ৰে’লখনত ভ্ৰমণো কৰিছিল।