বীৰ লাচিত সেনাৰ নেতা চিতু বৰুৱাক হত্যা কৰিবলৈ উচতনি দিয়া যুৱকৰ বিৰুদ্ধে গোচৰ

সামাজিক মাধ্যমত বীৰ লাচিত সেনাৰ শিৱসাগৰ জিলা সমিতিৰ সভাপতি চিতু বৰুৱাক হত্যাৰ বাবে উচতনি দিয়া যুৱকৰ বিৰুদ্ধে সোমবাৰে শিৱসাগৰ সদৰ থানাত গোচৰ ৰুজু কৰিছে সংগঠনটোৱে।

বীৰ লাচিত সেনাৰ শিৱসাগৰ জিলা সমিতিৰ সাংগঠনিক সম্পাদক পাৰ্থ গগৈ আৰু সংগঠনটোৰ থানামুখ প্ৰাথমিকৰ সচিব অংকিত ৰাজ কলিতাই সামাজিক মাধ্যমত চিতু বৰুৱাক হত্যা কৰিব লাগে বুলি কৰা মন্তব্যৰ বাবে মনোজ মহাৰাণা নামৰ যুৱকজনৰ বিৰুদ্ধে শিৱসাগৰ সদৰ থানাত এক এজাহাৰ দাখিল কৰে।

সংগঠনটোৱে দাবী কৰে যে সামাজিক মাধ্যমত বীৰ লাচিত সেনাৰ নেতা চিতু বৰুৱাক হত্যা কৰিবলৈ উচতনি দিয়া কাৰ্যত চিতু বৰুৱাৰ জীৱনৰ প্ৰতি ভাবুকি আহিছে।

এইজন মনোজ মহাৰাণাক অতি শীঘ্ৰে গ্ৰেপ্তাৰ কৰি তেওঁৰ বিৰুদ্ধে বিহিত ব্যৱস্থা গ্ৰহণ কৰিবৰ বাবে শিৱসাগৰ আৰক্ষীক দাবী জনাই বীৰ লাচিত সেনাই।