মাইক্ৰ’ আৰ এন এৰ ওপৰত গৱেষণা! দুই আমেৰিকান বিজ্ঞানীলৈ চিকিৎসা বিজ্ঞানৰ নোবেল বঁটা

সোমবাৰৰ পৰা আৰম্ভ হৈছে ২০২৪ চনৰ নোবেল বঁটা বিজয়ীসকলৰ নাম ঘোষণাৰ পৰ্ব। সেই মৰ্মে চিকিৎসা বিজ্ঞানৰ নোবেল বিজয়ীসকলৰ নাম প্ৰথমে ঘোষণা কৰা হয় । ৰয়েল ছুইডিছ একাডেমী অৱ চাইন্সে সোমবাৰে ঘোষণা কৰে যে মাইক্ৰ’আৰএনএ আৱিষ্কাৰ আৰু জিন নিয়ন্ত্ৰণৰ গৱেষণাৰ ক্ষেত্ৰত উল্লেখযোগ্য অৱদানৰ বাবে আমেৰিকাৰ বিজ্ঞানী ভিক্টৰ এম্ব্ৰ’জ আৰু গেৰী ৰুভকুনক যৌথভাৱে চিকিৎসা বিজ্ঞানৰ নোবেল বঁটা প্ৰদান কৰা হৈছে।

ভিক্টৰ এম্ব্ৰ’জ আৰু গেৰী ৰুভকুনক চিকিৎসা বিজ্ঞানৰ নোবেল বঁটা প্ৰদানৰ বিষয়ে কমিটীয়ে অৱগত কৰিছে, এই দুজন বিজ্ঞানীয়ে ১ মিলিমিটাৰ দীঘল C. elegans নামৰ কৃমি এটাৰ ওপৰত গৱেষণা কৰিছে।

এই অধ্যয়নৰ ফলস্বৰূপে C. elegans নামৰ পোকবিধৰ শৰীৰত mRNA ৰূপান্তৰৰ বিষয়ে জনা যায়। গৱেষণাৰ অন্তত বিজ্ঞানী দুজনে বিশ্ববাসীক জনাইছে যে ১ মিলিমিটাৰ দীঘল এই জীৱটোৰ আৰ এন এ ৰূপান্তৰৰ ফলত ডি এন এত জেনেটিক প্ৰ’টিন উৎপন্ন হয়।

লগতে পঢ়কঃ দুৰ্গা পূজা উদযাপনৰ বাবে গুৱাহাটীত জাৰি যান-বাহন নিষেধাজ্ঞা; চাওক কি নিৰ্দেশনা প্ৰশাসনৰ

উল্লেখ্য যে ১৯০১ চনৰ পৰাই নোবেল বঁটা প্ৰদানৰ পৰম্পৰা আৰম্ভ হৈছিল। ছুইডেনৰ বিজ্ঞানী আলফ্ৰেড নোবেলৰ নামেৰে এই বঁটা প্ৰদান কৰা হয়। ডাইনামাইটৰ উদ্ভাৱণ কৰি আলফ্ৰেড নোবেলেবিপুল পৰিমাণৰ ধনৰ মালিক হৈ পৰিছিল সেই ধনেই এই বঁটাৰ বাবে দি গৈছিল।

প্ৰথম অৱস্থাত পদাৰ্থ বিজ্ঞান, ৰসায়ন বিজ্ঞান, চিকিৎসা বিজ্ঞান, শান্তি আৰু সাহিত্যৰ নোবেল বঁটা প্ৰদান কৰা হৈছিল। পিছলৈ ১৯৬৯ চনৰ পৰা অৰ্থনীতিৰ নোবেল বঁটাও প্ৰদান কৰা হয়।

BREAKING NEWS
The 2024 #NobelPrize in Physiology or Medicine has been awarded to Victor Ambros and Gary Ruvkun for the discovery of microRNA and its role in post-transcriptional gene regulation. pic.twitter.com/rg3iuN6pgY

— The Nobel Prize (@NobelPrize) October 7, 2024

কেথলিন কেৰিকো আৰু ড্ৰু ৱাইজমেনে যোৱা বছৰ চিকিৎসা বিজ্ঞানৰ নোবেল বঁটা লাভ কৰিছিল। ক’ৰ’না ভাইৰাছৰ বিৰুদ্ধে মানৱ শৰীৰত ৰোগ প্ৰতিৰোধ ক্ষমতা গঢ়ি তোলাৰ বাবে ভেকচিন প্ৰস্তুত কৰাৰ বাবে এই বঁটা লাভ কৰে কেটলিন কেৰিকো আৰু ড্ৰু ৱাইজমেনে। তেওঁলোকৰ গৱেষণাৰ কেন্দ্ৰবিন্দু আছিল mRNA-এ ৰোগ প্ৰতিৰোধ ক্ষমতাৰ সৈতে কেনেদৰে ক্ৰিয়া কৰে। এই গৱেষণাৰ ফলতে কোভিড ভেকচিনৰ দ্ৰুত বিকাশ ঘটিছিল।