এয়াৰ ইণ্ডিয়াৰ পাছত এতিয়া বিতৰ্কত ইণ্ডিগো এয়াৰলাইন্স। পুনৰ এক বিতৰ্কৰ মাজত সোমাই পৰিছে বিমান সংস্থাটো। কলকাতাৰ এগৰাকী বাসিন্দা বিমান সংস্থাটোৰ কৰ্মচাৰীৰ সৈতে বিমান উৰণত পলম হোৱাক লৈ কাজিয়াত লিপ্ত হয়। ঋতম ভট্টাচাৰ্য নামৰ যুৱকজনে নিজৰ লিংকডইন প্ৰফাইলত ইণ্ডিগোৰ কৰ্মচাৰীৰ বিৰুদ্ধে নিজৰ ক্ষোভ আৰু হতাশা প্ৰকাশ কৰিছে।
ঋতমে অভিযোগ কৰে যে বিমানখন ৫ ঘণ্টাৰো অধিক পলমকৈ ৰাওনা হ’লেও যাত্ৰীসকলক কোনো ধৰণৰ সাহায্য প্ৰদান কৰা হোৱা নাই। চলিত মাহৰ ৬ জানুৱাৰীত সংঘটিত হয় এই ঘটনা। কলকাতাৰ যুৱকজনে ঘণ্টাৰ পাছত ঘণ্টা বিমানত ৰখাৰ পাছতো পানী, চিপছৰ পেকেট আৰু বিস্কুটৰ বাহিৰে একো নাছিল বুলিও কয়। এইটো একেবাৰে অভদ্ৰতাৰ বাহিৰে আন একো নহয় বুলিও অভিহিত কৰে।
ভাইৰেল ভিডিঅ’টোত যুৱকজনে ক্ৰু মেম্বাৰৰ সৈতে তীব্ৰ কাজিয়াত লিপ্ত হোৱা দেখা গৈছে।
কোম্পানীটোৱে কৰ্মচাৰীৰ প্ৰতি কৰা ব্যৱহাৰ কম খৰচী বিমান সংস্থাই কম খৰচী বিমান সেৱা আগবঢ়োৱা আৰু যাত্ৰীক হাৰাশাস্তি কৰা যেন লাগে। লগতে ঋতমে এই সন্দৰ্ভত শীঘ্ৰে কঠোৰ ব্যৱস্থা গ্ৰহণৰ দাবী জনায়।
বিতৰ্কৰ সন্মুখীন হৈ বিমান সংস্থাটোৱেও স্পষ্টীকৰণৰ প্ৰতিক্ৰিয়া প্ৰকাশ কৰিছে। ইণ্ডিগোই কয় যে, “যাত্ৰীক অসুবিধা দিয়াটো আমাৰ কেতিয়াও উদ্দেশ্য নহয়। আমাৰ কৰ্মচাৰীসকলে সদায় যাত্ৰীসকলক পানী আৰু কিছু শুকান খাদ্যৰে সহায় কৰিছিল, আনকি বিমান পলম হ’লেও। বেয়া বতৰৰ বাবে এই পলম হৈছিল। ইয়াৰ লগত আমাৰ কোনো সম্পৰ্ক নাছিল।”
