গুৱাহাটীৰ আঞ্চলিক বিজ্ঞান কেন্দ্ৰৰ শোচনীয় অৱস্থা, অসন্তুষ্ট দৰ্শনাৰ্থীৰ প্ৰতিক্ৰিয়া
গুৱাহাটীৰ খানাপাৰা অঞ্চলস্থিত আঞ্চলিক বিজ্ঞান কেন্দ্ৰ তথা চায়েন্স মিউজিয়াম হিচাপে পৰিচিত, ১৯৯৪ চনত উদ্বোধন হোৱাৰ পৰাই ছাত্ৰ-ছাত্ৰী, শিক্ষক আৰু সাধাৰণ জনতাক আকৰ্ষণ কৰি আহিছে।
সংগ্ৰহালয়টোৱে সাধাৰণ আৰু উৎসাহী জনসাধাৰণক পাৰস্পৰিক ক্ৰিয়া-কলাপ আৰু আমোদৰ জৰিয়তে বিজ্ঞান শিকিবলৈ এক সক্ষম মঞ্চ প্ৰদান কৰে।
কিন্তু শেহতীয়াকৈ সংশ্লিষ্ট কৰ্তৃপক্ষৰ অপব্যৱস্থাপনাৰ বাবে সংগ্ৰহালয়টোৰ চৌহদ এলেকাৰ দুৰ্ভাগ্যজনক অৱস্থাৰ পৰিলক্ষিত হৈছে।
বিজ্ঞান কেন্দ্ৰটো চাই অহা এজন লোকে টুইটাৰযোগে এক বিস্ফোৰক অভিযোগ উত্থাপন কৰিছে। অসংখ্য মাছ থকা এটা লেতেৰা পুখুৰীত লৈ উদ্বেগ প্ৰকাশ কৰিছে দৰ্শনাৰ্থীগৰাকীয়ে।
টুইটাৰত তেওঁ কেইখন মান ছবি প্ৰকাশ কৰি কয় যে সংশ্লিষ্ট কৰ্তৃপক্ষই দীৰ্ঘদিন ধৰি পুখুৰীটো পৰিষ্কাৰ কৰা নাই।
উদ্বেগ প্ৰকাশ কৰি দৰ্শনাৰ্থীগৰাকীয়ে আহ্বান জনায়, “পুখুৰীটোৰ লগতে বিজ্ঞান কেন্দ্ৰৰ চৌপাশৰ দৈনিক ৰক্ষণাবেক্ষণ আৰু পৰিষ্কাৰ-পৰিচ্ছন্নতাও কৰিব লাগে। যিহেতু আমি বিজ্ঞান কেন্দ্ৰৰ টিকট আৰু বিভিন্ন শিক্ষামূলক অনুষ্ঠান আৰু ভ্ৰমণৰ বাবে ধন দিওঁ, তেনেকৈয়ে সেই ধনৰ সঠিক ব্যৱহাৰ কৰি চৌপাশ পৰিষ্কাৰ কৰি ৰখা উচিত।”
লগতে পঢ়কঃ আই আৰ চি টি চিৰ ৱেবছাইটৰ চাৰ্ভাৰ ডাউন; দূৰণীবটীয়া যাত্ৰীয়ে কাটিব পৰা নাই ৰে’লৰ টিকট
লগতে পঢ়কঃ মণিপুৰত জনগোষ্ঠীয় হিংসাৰ বিৰুদ্ধে আইজলত হাজাৰ হাজাৰ লোকৰ প্ৰতিবাদ
Visited the Regional Science Centre at Khanapara today. Really saddened and disheartened to see the condition of the pool in-front of the aquarium. By looking at the videos and the images, it is clear that the pool has not been cleaned properly since many days. (1/4) pic.twitter.com/MdP5R2SXye
— Tushar Bhuyan (@TusharBhuyanTB) July 24, 2023