আই আৰ চি টি চিৰ ৱেবছাইটৰ চাৰ্ভাৰ ডাউন; দূৰণীবটীয়া যাত্ৰীয়ে কাটিব পৰা নাই ৰে’লৰ টিকট

হঠাৎ ঘটিছে অথন্তৰ। আই আৰ চি টি চিৰ ৱেবছাইটৰ চাৰ্ভাৰ ডাউন হৈছে। ইয়াৰ ফলত যাত্ৰীসকলে দূৰণীবটীয়া ৰে’লৰ টিকট বুকিং কৰিব পৰা নাই। অৱশ্যে এই সমস্যা শীঘ্ৰে সমাধানৰ বাবে প্ৰচেষ্টা চলোৱা হৈছে বুলি কোম্পানীটোৱে জনাইছে।

মঙলবাৰে পুৱতি নিশা ৩:৩০ বজাৰ পৰা ডাউন হৈ পৰিছে চাৰ্ভাৰ। বহুসময়ৰ পাছতো পৰিস্থিতি এতিয়াও স্বাভাৱিক হোৱা নাই। ইফালে সন্মুখত উৎসৱৰ বতৰ। ভ্ৰমণকাৰীসকলে সাধাৰণতে ভ্ৰমণৰ সময় হিচাপে উৎসৱৰ সময়টোকে বাছি লয়।

সাধাৰণতে এইসময়ত আই আৰ চি টি চিৰ ৱেবছাইটত চাপ থাকে। তাৰমাজতে চাৰ্ভাৰটো ডাউন হৈ আছে। জানিব পৰা মতে কাৰিকৰী সমস্যাৰ বাবেই এই ঘটনা  ঘটিছে। এপটোৱেও কাম কৰা নাই।

Due to technical reasons, the ticketing service is not available on IRCTC site and App. Technical team of CRIS is resolving the issue.

Alternatively tickets can be booked through other B2C players like Amazon, Makemytrip etc.

— IRCTC (@IRCTCofficial) July 25, 2023

অৱশ্যে আই আৰ চি টি চিয়ে টুইট কৰি কয় যে চিন্তাৰ কোনো কাৰণ নাই। কোম্পানীটোৰ কাৰিকৰী দলটোৱে এই সমস্যা সমাধানৰ চেষ্টা চলাইছে। শীঘ্ৰে সমাধান হ’ব এই সমস্যা।

এনে পৰিস্থিতিত যাত্ৰীসকলক আমাজন, মেকমাইট্ৰিপৰ দৰে এপৰ জৰিয়তে টিকট বুকিং কৰিবলৈ পৰামৰ্শ দিয়া হৈছে। কিন্তু দীৰ্ঘসময় ধৰি চাৰ্ভাৰ বন্ধ হৈ থকাৰ বাবে যাত্ৰীসকল বিৰক্ত হৈ পৰিছে।