অৱমাননাকৰ টুইট! অৱশেষত দিল্লী উচ্চ ন্যায়ালয়ত ক্ষমা খুজিলে পৰিচালক বিবেক অগ্নিহোত্ৰীয়ে

ওড়িশা উচ্চ ন্যায়ালয়ৰ মুখ্য ন্যায়াধীশৰ বিৰুদ্ধে টুইট কৰাৰ বাবে বিপদত পৰিছে পৰিচালক বিবেক অগ্নিহোত্ৰী! পুনৰ দিল্লী উচ্চ ন্যায়ালয়লৈ আহি তেওঁ কয় যে তেওঁৰ ন্যায়পালিকাৰ প্ৰতি অতিশয় শ্ৰদ্ধা আছে। তেওঁ ইচ্ছাকৃতভাৱে আদালতৰ মৰ্যাদাক আঘাত দিব বিচৰা নাছিল।

তেওঁ লগতে কয়, ‘ছ’চিয়েল মিডিয়া হৈ পৰিছে এক বৃহৎ দুখৰ কাৰণ’। সন্মানীয় আদালতে অগ্নিহোত্ৰীক ভৱিষ্যতে সাৱধান হ’বলৈ কয়। আদালতে নি:চৰ্ত ক্ষমা প্ৰাৰ্থনাৰ পিছত তেওঁক আদালত অৱমাননাৰ গোচৰৰ পৰা অব্যাহতি দিয়ে। 

লগতে পঢ়ক: IPL 2023:চিন্নাস্বামীত শ্বাসৰুদ্ধকৰ যুঁজত বাংগালুৰু বধ লক্ষ্ণৌৰ; নায়ক নিকোলাছ, ষ্ট’ইনিছ

বহুচৰ্চিত ‘দ্য কাশ্মীৰ ফাইলছ’ৰ পৰিচালক অগ্নিহোত্ৰীয়ে ন্যায়াধীশ মুৰলীধৰৰ বিৰুদ্ধে টুইট কৰিছিল। টুইট অনুসৰি, অগ্নিহোত্ৰীয়ে ন্যায়াধীশ মুৰলীধৰৰ বিৰুদ্ধে পক্ষপাতিত্বৰ অভিযোগ উত্থাপন কৰিছিল। ফলত পৰিচালকগৰাকীৰ বিৰুদ্ধে আদালত অৱমাননাৰ গোচৰ ৰুজু হয়।

যোৱা বছৰৰ ডিচেম্বৰ মাহত ছবি নিৰ্মাতাগৰাকীয়ে আদালতৰ ওচৰত তেওঁৰ মন্তব্যৰ বাবে ক্ষমা বিচাৰিছিল। অৱশ্যে শুনানিৰ বাবে তেওঁ ব্যক্তিগতভাৱে আদালতত উপস্থিত নাথাকিব বুলিও কয়। ভিডিঅ’ কনফাৰেন্সৰ জৰিয়তে তেওঁ জনায় যে তেওঁৰ জ্বৰ হৈছে। আদালতে অগ্নিহোত্ৰীৰ বিৰুদ্ধে একপক্ষীয় ব্যৱস্থা গ্ৰহণৰ সিদ্ধান্ত গ্ৰহণ কৰে।

লগতে পঢ়ক: শিক্ষা অধিকাৰ সুৰক্ষা মঞ্চ গঠন; ছেবা সংস্কাৰৰ দাবীত ২৮ এপ্ৰিলত গুৱাহাটীত আন্দোলনৰ কাৰ্যসূচী

অগ্নিহোত্ৰীয়ে এক শপতনামাত উল্লেখ কৰিছিল যে তেওঁ নিজেই ন্যায়াধীশৰ বিৰুদ্ধে কৰা টুইটটো ডিলিট কৰিছিল। অৱশ্যে অধিবক্তা অৰবিন্দ নিগমৰ মতে এই টুইটটো অগ্নিহোত্ৰীয়ে ডিলিট কৰা নাছিল, কেনেবাকৈ ছ’চিয়েল মিডিয়াৰ পৰা নোহোৱা হৈ গৈছে।