গুৱাহাটী ৰে’লৱে ষ্টেশ্যনৰ পৰা আজি পুৱা ৰে’লৱে আৰক্ষীয়ে এটা .২২ পিষ্টলসহ ৩০ জাঁই সজীৱ গুলী উদ্ধাৰ কৰে। পুৱা ৭.৩০ বজাত ৰে’লৱে আৰক্ষীয়ে অভিযান চলাই এই মাৰণাস্ত্ৰখিনি উদ্ধাৰ কৰে।
ঘটনাৰ বিৱৰণি অনুসৰি নামনিমুৱা কামৰূপ এক্সপ্ৰেছখন ৰে’লৱে ষ্টেশ্যনৰ ১ নং প্লেটফৰ্মত ৰখাই থোৱা আছিল। সেই সময়তে ৰে’লৱে আৰক্ষীয়ে অভিযান চলাই আৰু ৰে’লখনৰ ১১ নম্বৰ ডবাৰ পৰা এই মাৰণাস্ত্ৰ উদ্ধাৰ কৰে।
ৰে’লৱে আৰক্ষীয়ে জনোৱা অনুসৰি ৰে’লখনৰ ১১ নং ডবাৰ শৌচাগাৰত এই মাৰণাস্ত্ৰখিনি লুকুৱাই থোৱা আছিল। বৰ্তমানলৈকে এই মাৰণাস্ত্ৰখিনি ডবাটোৰ শৌচাগাৰত কোনো লুকুৱাই ৰাখিছিল তাৰ কোনো শুংসূত্ৰ লাভ কৰা নাই ৰে’লৱে আৰক্ষীয়ে।
ইতিমধ্যে ৰে’লৱে আৰক্ষীয়ে ঘটনা সন্দৰ্ভত তদন্ত অব্যাহত ৰাখিছে বুলি ৰে’লৱে আৰক্ষীৰ পৰা জানিব পৰা গৈছে।
